ഇന്ത്യന് സിനിമ ഇന്നോളം കണ്ടിട്ടുള്ളതില്വെച്ച് ഏറ്റവും വലിയ ഓപ്പണിങ് കളക്ഷനുമായി അറ്റ്ലിയുടെ 'ജവാന്'. ചിത്രത്തിന്റെ ആദ്യ ആഴ്ചയിലെ...
ഇന്ത്യന് സിനിമ ഇന്നോളം കണ്ടിട്ടുള്ളതില്വെച്ച് ഏറ്റവും വലിയ ഓപ്പണിങ് കളക്ഷനുമായി അറ്റ്ലിയുടെ 'ജവാന്'. ചിത്രത്തിന്റെ ആദ്യ ആഴ്ചയിലെ ആഗോള കളക്ഷന് 520.79 കോടിയാണ്. മാത്രമല്ല തുടര്ച്ചയായി നാല് സിനിമകള് നൂറ് കോടി ക്ലബ്ബിലെത്തിക്കുന്ന സംവിധായകനായി അറ്റ്ലിയും തിളങ്ങുന്നു.
ഇതുവരെയുള്ള കണക്കെടുത്താല് ഒരു ഇന്ത്യന് ചിത്രത്തിനു ആദ്യ ആഴ്ച ലഭിക്കുന്ന ഏറ്റവും വലിയ ഓപ്പണിങ് ആണിത്. ഈ വര്ഷം റിലീസ് ചെയ്ത പഠാന്റെ റെക്കോര്ഡും ജവാന് തകര്ത്തു. ഏറ്റവും വേഗത്തില് 250 കോടി കടക്കുന്ന ആദ്യ ഹിന്ദി ചിത്രമായും ജവാന് മാറി.
റിലീസ് ചെയ്ത വ്യാഴാഴ്ച 65 കോടി, വെള്ളി 46 കോടി, ശനി 68 കോടി, ഞായറാഴ്ച 71 കോടി എന്നിങ്ങനെയാണ് ഹിന്ദിയില് നിന്നും ചിത്രം വാരിക്കൂട്ടിയത്. തമിഴില് നിന്നും തെലുങ്കില് നിന്നും നാല് ദിവസത്തെ കളക്ഷന് 34 കോടിയാണ്.
ഇതിനു മുമ്പ് വിജയ്യ്യെ നായകനാക്കി അറ്റ്ലി സംവിധാനം ചെയ്ത തെറി, മെര്സല്, ബിഗില് എന്നീ സിനിമകള് ബോക്സ്ഓഫിസില് നൂറ് കോടി കടന്നിരുന്നു. ഇതിനുപിന്നാലെയാണ് മിന്നും വിജയമായി ജവാന് എത്തിയത്. ഷാരൂഖ് ഖാന് ഇതിനു മുമ്പ് ചെയ്ത പഠാന് എന്ന ചിത്രവും വിജയമായിരുന്നു. ചിത്രവും നൂറുകോടി ക്ലബില് വളരെ വേഗം ഇടം പിടിച്ചിരുന്നു.
കേരളത്തില് നിന്നുള്ള 'ജവാന്റെ' ആദ്യ ദിന കളക്ഷന് 3.5 കോടിയായിരുന്നു.
COMMENTS