യൂട്യൂബില് ദിവസവും ഏറ്റവും കുറഞ്ഞത് ഒരു പ്രാവശ്യമെങ്കിലും ഏതെങ്കിലും വീഡിയോ പ്ലേ ചെയ്യാറുണ്ട് മിക്കവരും. അത് നേരിട്ടോ അല്ലെങ്കില് സജസ്റ്റഡ...
യൂട്യൂബില് ദിവസവും ഏറ്റവും കുറഞ്ഞത് ഒരു പ്രാവശ്യമെങ്കിലും ഏതെങ്കിലും വീഡിയോ പ്ലേ ചെയ്യാറുണ്ട് മിക്കവരും. അത് നേരിട്ടോ അല്ലെങ്കില് സജസ്റ്റഡ് ആയതോ, ലിങ്ക് ലഭിച്ചതോ ആയ വീഡിയോയും മറ്റുമാകും ചിലപ്പോള്. പക്ഷേ, നാം സെര്ച്ച് ചെയ്യുന്നത് മറ്റുള്ളവര് കാണാതിരിക്കാനായി പലരും സെര്ച്ച് ഹിസ്റ്ററി ഓഫ് ചെയ്ത് ഇടാറാണ് പതിവ്. എന്നാല് ഇനി അങ്ങനെ ഓഫ് ചെയ്തിട്ടാല് യൂട്യൂബ് ഹോം പേജില് ഇനി ഒരു വീഡിയോ പോലും കാണാനാകില്ല.
യൂട്യൂബില് ഒന്നും സെര്ച് ചെയ്തിട്ടില്ലെങ്കിലും ഹോം പേജില് വീഡിയോ റെക്കമെന്റേഷനുകളൊന്നും തന്നെ ദൃശ്യമാകില്ല എന്ന് സാരം. അതിന്റെ കാരണം ഇതാണ്, പൊതുവെ നാം കാണുന്ന വീഡിയോകള് അനുസരിച്ചാണ്, ഹോം പേജില് യൂട്യൂബ് അതുമായി ബന്ധപ്പെട്ട ഉള്ളടക്കം നല്കുന്നത്. അതായത്, 'വാച്ച് ഹിസ്റ്ററി' യൂട്യൂബിനും അതുപോലെ യൂസര്മാര്ക്കും ഏറെ പ്രധാനപ്പെട്ടതാണെന്ന് ചുരുക്കം. സജസ്റ്റഡ് വീഡിയോസിനു പകരം സെര്ച് ബാറും പ്രൊഫൈല് ചിത്രവും മാത്രമാകും കാണാന് സാധിക്കുക.
ശുപാര്ശ ചെയ്യപ്പെടുന്ന വീഡിയോകളുടെ ശല്യമില്ലാതെ, ഉപയോക്താക്കള്ക്ക് അവര് കാണാന് ആഗ്രഹിക്കുന്ന ഉള്ളടക്കം തിരയാനും സബ്സ്ക്രൈബ് ചെയ്ത അക്കൗണ്ടുകളിലേക്ക് എളുപ്പത്തില് പോകാനും പുതിയ മാറ്റം ഉപകാരപ്പെടുമെന്നാണ് പുതിയ മാറ്റത്തെക്കുറിച്ച് യൂട്യൂബ് പറയുന്നത്. ഈ ഫീച്ചര് യൂട്യൂബിന്റെ പുതിയ കാഴ്ചാനുഭവത്തിന്റെ ഭാഗമാണ്, ഭാവിയില് കൂടുതല് ഫീച്ചറുകള് ചേര്ക്കുമെന്നും സ്ട്രീമിങ് ഭീമന് പറയുന്നു. ഈ ഫീച്ചര് നിലവില് പലര്ക്കും ലഭ്യമാക്കി വരികയാണെന്നും, വൈകാതെ തന്നെ എല്ലാവര്ക്കും അവരുടെ യൂട്യൂബ് ആപ്പിലും മാറ്റം വരുമെന്നും യൂട്യൂബ് അധികൃതര് പറയുന്നു.
COMMENTS