Speaker's ruling about water price hike
തിരുവനന്തപുരം: വെള്ളക്കരം വര്‍ദ്ധിപ്പിച്ച വിഷയത്തില്‍ ജലവിഭവ വകുപ്പ് മന്ത്രി റോഷി അഗസ്റ്റിനെതിരെ സ്പീക്കറുടെ റൂളിങ്. വെള്ളക്കരം വര്‍ദ്ധിക്കുന്ന കാര്യം ആദ്യം പ്രഖ്യാപിക്കേണ്ടത് നിയമസഭയിലാണെന്ന് സ്പീക്കര്‍ വ്യക്തമാക്കി. എ.പി അനില്‍കുമാര്‍ ഉന്നയിച്ച ക്രമപ്രശ്‌നത്തിലാണ് സ്പീക്കറുടെ ഇടപെടല്‍.
നിയമസഭ സമ്മേളിക്കുന്ന സമയത്താണ് സര്‍ക്കാര്‍ നയപരമായ കാര്യങ്ങള്‍ തീരുമാനിക്കുന്നതെങ്കില്‍ ആ വിഷയം ആദ്യം പ്രഖ്യാപിക്കുന്നത് സഭയിലാണെന്നതാണ് കീഴ്വഴക്കമെന്നും അങ്ങനെ തന്നെയാണ് വേണ്ടതെന്നും സ്പീക്കര്‍ ചൂണ്ടിക്കാട്ടി. ഇനിയും ബന്ധപ്പെട്ടവര്‍ ഇക്കാര്യം ശ്രദ്ധിക്കണമെന്നും അദ്ദേഹം ആവര്‍ത്തിച്ചു.
അതേസമയം തീരുമാനം സര്‍ക്കാരിന്റെ നയപരമായ തീരുമാനമല്ലെന്നും ഒട്ടേറെ നടപടിക്രമങ്ങള്‍ക്കുശേഷമാണ് പ്രഖ്യാപിച്ചതെന്നും മന്ത്രി റോഷി അഗസ്റ്റിന്‍ സഭയെ അറിയിച്ചു.
Keywords: Niyamasabha, Speaker, Ruling, Roshy Augustin
COMMENTS