13 killed in cloudburst near holy Amarnath cave in Jammu and Kashmir. More than 40 people are missing. Amarnath pilgrimage has been suspended
കാണാതായവര്ക്കു വേണ്ടി സൈന്യവും അതിര്ത്തി രക്ഷാസേനയും ദ്രുത കര്മ സേനകളും വ്യാപകമായ തിരച്ചില് ആരംഭിച്ചിട്ടുണ്ട്.
#WATCH | J&K: Massive amount of water flowing turbulently after a cloud burst occurred in the lower reaches of Amarnath cave. Rescue operation is underway at the site pic.twitter.com/w97pPU0c6k
— ANI (@ANI) July 8, 2022
വൈകുന്നേരം അഞ്ചരയോടെയാണ് മേഘവിസ്ഫോടനം ഉണ്ടായത്. യാത്ര വഴിയിലെ താമസ ടെന്റുകളും സാമൂഹിക അടുക്കളകളും പ്രളയ ജലത്തില് തകര്ന്നു.
സ്ഥിതിഗതികള് നിയന്ത്രണവിധേയമാണെന്നും പുതിയ ടെന്റുകള് നിര്മ്മിച്ചു വരികയാണെന്നും വൈകാതെ അമ ര്നാഥ് തീര്ത്ഥാടനം പുനരാരംഭിക്കാന് കഴിയുമെന്നും ഇന്ഡോ ടിബറ്റന് ബോര്ഡര് പൊലീസ് വക്താവ് പറഞ്ഞു.
കനത്ത മഴയ്ക്കു പിന്നാലെ ഗുഹയുടെ മുകള് ഭാഗത്തുനിന്നാണ് ജലം കുത്തിയൊലിച്ച് താഴേക്ക് എത്തിയത്.
ദുരന്തത്തില് പരിക്കേറ്റവരെ ഹെലികോപ്റ്ററുകളില് വിവിധ ആശുപത്രികളിലേക്ക് മാറ്റി. ദേശീയ ദുരന്ത നിവാരണ സേനയും സംസ്ഥാന ദ്രുത കര്മ്മ സേനയും തിരക്കിട്ട രക്ഷാപ്രവര്ത്തനങ്ങള് തുടരുകയാണ്.
ദുരന്തം നടന്ന പ്രദേശത്ത് രാത്രി എട്ടര മണിവരെ സൂര്യപ്രകാശം ലഭിക്കുമെന്നതിനാല് രക്ഷാപ്രവര്ത്തനത്തിന് കൂടുതല് സമയം ലഭിച്ചു. രാത്രിയിലും രക്ഷാപ്രവര്ത്തനം തുടരുകയാണ്.
കോവിഡ് നിമിത്തം രണ്ടുവര്ഷമായി നിറുത്തിവച്ചിരുന്ന അമര്നാഥ യാത്ര ജൂണ് 30നാണ് പുനരാരംഭിച്ചത്. ഇതുവരെ 72000 തീര്ത്ഥാടകര് അമര്നാഥ് തീര്ത്ഥാടനം കഴിഞ്ഞു മടങ്ങിയെന്നാണ് ഔദ്യോഗിക റിപ്പോര്ട്ട്.
ഏറ്റവും ദുഃഖകരമായ സംഭവമാണ് ഉണ്ടായതെന്നും തീര്ത്ഥാടകരെ സുരക്ഷിത സ്ഥാനങ്ങളിലേക്ക് മാറ്റുന്നതിനാണ് പ്രാമുഖ്യം നല്കുന്നതെന്നും അമര്നാഥ് ദേവസ്വം ബോര്ഡ് സി ഇ ഒ നിതീഷ്വര് കുമാര് പറഞ്ഞു. കരസേനയുടെ ആറ് രക്ഷാ സംഘങ്ങള് രംഗത്തുണ്ട്.
ദുരന്തത്തില് പ്രധാനമന്ത്രി നരേന്ദ്രമോഡി നടുക്കവും ദുഃഖവും രേഖപ്പെടുത്തി. മരിച്ചവരുടെ കുടുംബങ്ങളെ അദ്ദേഹം അനുശോചനം അറിയിച്ചു.
Summary: 13 killed in cloudburst near holy Amarnath cave in Jammu and Kashmir. More than 40 people are missing. Amarnath pilgrimage has been temporarily suspended due to bad weather. Army, Border Security Force and Rapid Action Forces have launched a massive search for the missing.
COMMENTS