കോണ്‍ഗ്രസില്‍ എല്ലാം ഏകപക്ഷീയമായി നടക്കുന്നു, കെപിസിസി രാഷ്ട്രീയകാര്യ സമിതിയില്‍നിന്നു വി.എം. സുധീരന്‍ രാജിവച്ചു

VM Sudheeran resigned from the KPCC Political Affairs Committee, sharply criticizing the new leadership

സ്വന്തം ലേഖകന്‍

തിരുവനന്തപുരം: പുതിയ നേതൃത്വത്തിനെതിരെ രൂക്ഷ വിമര്‍ശനം ഉന്നയിച്ചുകൊണ്ട്, കെപിസിസി രാഷ്ട്രീയകാര്യ സമിതിയില്‍നിന്നു വി.എം. സുധീരന്‍ രാജിവച്ചു. 

കെപിസിസി അധ്യക്ഷന്‍ കെ. സുധാകരന്  വെള്ളിയാഴ്ച രാത്രിയാണ് സുധീരന്‍ രാജികത്ത് കൈമാറിയത്. പാര്‍ട്ടിയുടെ രാഷ്ട്രീയകാര്യ സമിതി നോക്കുകുത്തിയായെന്ന് സുധീരന്‍ ആരോപിച്ചു. വേണ്ടത്ര കൂടിയാലോചന പാര്‍ട്ടിയില്‍ നടക്കുന്നില്ല. 

താനുമായി കെപിസിസി പുനഃസംഘടനയുമായുടെ കാര്യം ആരും ചര്‍ച്ച ചെയ്തില്ല. പുതിയ നേതൃത്വം വന്നതിനു ശേഷം തീരുമാനങ്ങള്‍ ഏകപക്ഷീയമായാണ് നടക്കുന്നതെന്നും സുരധീരന്‍ പരാതിപ്പെട്ടു.

കെ.സുധാകരന്‍ കെപിസിസി പ്രസിഡന്റും വി.ഡി. സതീശന്‍ പ്രതിപക്ഷ നേതാവുമായി വന്നതില്‍ പിന്നെ പാര്‍ട്ടിയില്‍ എല്ലാ കാര്യങ്ങളും ഏകപക്ഷീയമായി നടക്കുന്നുവെന്നാണ്  ആരോപണം.

ഉമ്മന്‍ ചാണ്ടിയും രമേശ് ചെന്നിത്തലയും കെപിസിസി പുനഃസംഘടനയില്‍ അതൃപ്തി രേഖപ്പെടുത്തിയിരുന്നു. ഇതിനു പിന്നാലെയാണ് സുധീകരനും രംഗത്തു വന്നിരിക്കുന്നത്.

പാര്‍ട്ടിയില്‍ നിന്ന് ചില നേതാക്കള്‍ അടുത്തിടെ വിട്ടുപോയതും സുധാകരനും സതീശനുമെതിരേ ആരോപണം ഉന്നയിച്ചുകൊണ്ടായിരുന്നു.

Summary: VM Sudheeran resigned from the KPCC Political Affairs Committee, sharply criticizing the new leadership. Sudheeran handed over his resignation letter to  KPCC President K Sudhakaran on Friday night. Sudheeran alleged that the party's political affairs committee was not looking into the matter. Not enough consultation is going on in the party.