ന്യൂഡല്ഹി: യു.എ.ഇയില് അടുത്ത മാസം ആരംഭിക്കുന്ന ഐ.പി.എല് ട്വന്റി20 ക്രിക്കറ്റിന്റെ സ്പോണ്സര്ഷിപ്പില് നിന്ന് ചൈനീസ് കമ്പനിയായ വിവോ പിന്മ...
ന്യൂഡല്ഹി: യു.എ.ഇയില് അടുത്ത മാസം ആരംഭിക്കുന്ന ഐ.പി.എല് ട്വന്റി20 ക്രിക്കറ്റിന്റെ സ്പോണ്സര്ഷിപ്പില് നിന്ന് ചൈനീസ് കമ്പനിയായ വിവോ പിന്മാറി.
ചൈനീസ് കമ്പനി ടൈറ്റില് സ്പോണ്സറായതിനെതിരേ ഇന്ത്യയിലുയര്ന്ന ജനരോഷം കണ്ടാണ് പിന്മാറ്റമെന്നാണ് സൂചന. തങ്ങളുടെ ഏറ്റവും വലിയ വിപണികളിലൊന്നായ ഇന്ത്യയില് ഇനി വലിയ ഭാവിയില്ലെന്നു കൂടി മനസ്സിലാക്കിയാണ് പിന്മാറ്റമെന്നറിയുന്നു.
ചൈനീസ് മൊബൈല് കമ്പനിയായായ വിവോയുടെ പിന്മാറ്റം ബിസിസിഐക്കു സാമ്പത്തികമായി തിരിച്ചടിയാണ്. ചൈനീസ് സ്പോണ്സര്മാരെ വിലക്കേണ്ടതില്ലെന്ന് ഞായറാഴ്ച ചേര്ന്ന ഐ.പി.എല് ഗവേണിംഗ് കൗണ്സില് തീരുമാനിച്ചിരുന്നു. ഇതു കടുത്ത എതിര്പ്പിന് ഇടയാക്കിയിരുന്നു. സമൂഹമാദ്ധ്യമങ്ങളില് രൂക്ഷമായ പ്രതിഷേധമാണ് അലയടിച്ചത്.
2199 കോടി രൂപ നല്കിയാണ് 2018ല് വിവോ അഞ്ച് വര്ഷത്തേയ്ക്ക് ഐ.പി.എല് സ്പോണ്സര്ഷിപ്പ് ഏറ്റെടുത്തത്. ഓരോ സീസണിലും ഏകദേശം 440 കോടി രൂപ എന്ന നിരക്കിലായിരുന്നു സ്പോണ്സര്ഷിപ്പ്.
വിവാദം അടങ്ങുകയും ഇന്ത്യന് വിപണിയില് തങ്ങള്ക്കു സുഗമമായി പ്രവര്ത്തിക്കാന് കഴിയുകയും ചെയ്താല് വരും വര്ഷങ്ങളില് സ്പോണ്സര്ഷിപ്പ് തുടരാമെന്നാണ് വിവോ ഇപ്പോള് ബിസിസി ഐ അറിയിച്ചിരിക്കുന്നത്.
പിന്മാറുന്ന കാര്യം ബി.സി.സി.ഐയെയും ടീം ഫ്രഞ്ചൈസികളെയും വിവോ അറിയിച്ചു. സെപ്റ്റംബര് 19നാണ് ഐപിഎല് മത്സരങ്ങള് തുടങ്ങുന്നത്. നവംബര് 10നാണ് ഐ.പി.എല് ഫൈനല്.
വര്ഷം ആറായിരം കോടിയിലേറെ രൂപയുടെ വരുമാനമുള്ള, ലോകത്തെ തന്നെ ഏറ്റവും സമ്പന്നമായ കായിക സംഘടനയായ ബിസിസി ഐക്ക് ഈ പിന്മാറ്റം വലിയ ആഘാതമൊന്നുമല്ല.
തത്കാലം മറ്റൊരു സ്പോണ്സറെ തിരക്കിട്ടു കണ്ടുപിടിക്കേണ്ട തലവേദന ബിസി.സി.ഐക്കുണ്ട്. കോവിഡ് കാലമായതിനാല് ബിസിനസ് ഇടിഞ്ഞു നില്ക്കുന്നതിനാല് വന് മുതല് മുടക്കില് പരസ്യം ചെയ്യാന് കമ്പനികള് മുന്നോട്ടു വരുമോ എന്ന് ഉറപ്പില്ല.
അബുദാബി, ദുബായ്, ഷാര്ജ എന്നിവിടങ്ങളില് മാത്രമാകും മത്സരങ്ങള്. രാജ്യാന്തര ക്രിക്കറ്റില് നടപ്പിലാക്കിയ കോവിഡ് സബ്സ്റ്റിറ്റിയൂട്ട് (ആരെങ്കിലും കോവിഡ് രോഗിയായാല് പകരം) ഐ.പി.എല്ലിലും അനുവദിക്കും.
Summary: Chinese company Vivo has pulled out of sponsorship of IPL Twenty20 cricket starting next month in the UAE. The move comes amid growing public outrage in India over the Chinese company's title sponsorship. Vivo also aware that there is no big future in India, one of their biggest markets.
The withdrawal of Chinese mobile operator Vivo is a financial setback for the BCCI. The IPL Governing Council, which met on Sunday, had decided not to ban Chinese sponsors. This led to fierce protests erupted on social media.
Key Words: Chinese company, Vivo, Sponsorship, IPL Twenty20 cricket, UAE, India, BCCI, IPL Governing Council, Social media
COMMENTS