ന്യൂഡല്ഹി: കന്യാസ്ത്രീയെ ബലാത്സംഗം ചെയ്ത കേസില് പ്രതിപ്പട്ടികയില് നിന്നും ഒഴിവാക്കണമെന്ന ബിഷപ്പ് ഫ്രാങ്കോ മുളയ്ക്കലിന്റെ ഹര്ജി തള്ളി സുപ...
ന്യൂഡല്ഹി: കന്യാസ്ത്രീയെ ബലാത്സംഗം ചെയ്ത കേസില് പ്രതിപ്പട്ടികയില് നിന്നും ഒഴിവാക്കണമെന്ന ബിഷപ്പ് ഫ്രാങ്കോ മുളയ്ക്കലിന്റെ ഹര്ജി തള്ളി സുപ്രീംകോടതി. ചീഫ് ജസ്റ്റീസ് അദ്ധ്യക്ഷനായ ബെഞ്ച് ഹര്ജി തള്ളുകയും ഫ്രാങ്കോ മുളയ്ക്കല് വിചാരണ നേരിടണമെന്ന് വിധിക്കുകയുമായിരുന്നു.
തനിക്കെതിരായ ആരോപണം കെട്ടിച്ചമച്ചതാണെന്നും വ്യക്തിപരമായ വിദ്വേഷമാണ് കേസിന്നാധാരമെന്നും കന്യാസ്ത്രീയുടെ മൊഴിയില് വൈരുദ്ധ്യമുണ്ടെന്നും ചൂണ്ടിക്കാട്ടിയാണ് ഫ്രാങ്കോ മുളയ്ക്കല് സുപ്രീംകോടതിയെ സമീപിച്ചത്.
നേരത്തെ ഇതേ ആവശ്യവുമായി വിചാരണ കോടതിയെ സമീപിച്ചിരുന്നെങ്കിലും കോടതി അത് തള്ളുകയും ജാമ്യം റദ്ദാക്കുകയുമായിരുന്നു.
ഈ സാഹചര്യത്തിലാണ് വിചാരണ കോടതി നടപടികള് സ്റ്റേ ചെയ്യണമെന്ന ആവശ്യവുമായി സുപ്രീംകോടതിയെ സമീപിച്ചത്. അവിടെയും ഹര്ജി തള്ളിയ സാഹചര്യത്തില് ഫ്രാങ്കോ മുളയ്ക്കലിന് വിചാരണ നടപടികള് നേരിടുക തന്നെ വേണം.
Keywords: Supreme court, Franco Mulakkal, Rejects, Plea
COMMENTS