മാത്യു കെ തോമസ് ടെഹ്റാന്: ഇറാന് തലസ്ഥാനമായ ടെഹ്റാനിലെ ഇമാം ഖൊമേനി വിമാനത്താവളത്തിന് സമീപം 180 യാത്രക്കാരുമായി യുക്രേനിയന് വിമാന...
മാത്യു കെ തോമസ്
ടെഹ്റാന്: ഇറാന് തലസ്ഥാനമായ ടെഹ്റാനിലെ ഇമാം ഖൊമേനി വിമാനത്താവളത്തിന് സമീപം 180 യാത്രക്കാരുമായി യുക്രേനിയന് വിമാനം തകര്ന്നുവീണു. ഇന്നു വെളുപ്പിനാണ് ദുരന്തം.
വിമാനത്തില് ഉണ്ടായിരുന്നവരെല്ലാം മരിച്ചതായി ഇറാന് സ്റ്റേറ്റ് ടെലിവിഷന് അറിയിച്ചു. ബോയിംഗ് 737-800 ജെറ്റ് വിമാനമാണ് തകര്ന്നത്. പറന്നുയര്ന്നതിന് തൊട്ടുപിന്നാലെ ടെഹ്റാന്റെ തെക്കുപടിഞ്ഞാറന് ഭാഗമായ പരന്ദിന് സമീപം വിമാനം തകര്ന്നു വീഴുകയായിരുന്നു.
Do technical issues often result in flaming trails to the ground? #iranplanecrash #iran #iranjet https://t.co/XybrlpXSLn— Arbitrary Nihilism (@SolveExistence) January 8, 2020
ആരും രക്ഷപ്പെട്ടിരിക്കാന് സാധ്യതയില്ലെന്ന് ഇറാന്റെ റെഡ് ക്രസന്റ് നേരത്തെ വ്യക്തമാക്കിയിരുന്നു. സോഷ്യല് മീഡിയയില് വരുന്ന ചിത്രങ്ങളും അതിജീവിച്ചവരില്ലെന്ന് സൂചിപ്പിക്കുന്നതാണ്.
ഇറാഖിലെ അമേരിക്കന് സൈനിക താവളങ്ങളിലേക്ക് ഇറാന് മിസൈല് ആക്രമണം നടത്തിയതിനു പിന്നാലെയാണ് വിമാനം വീണിരിക്കുന്നത്. ഈ ആക്രമണവുമായി ബന്ധപ്പെട്ട് എന്തെങ്കിലും ദുരന്തമാണോ വിമാനത്തിനു സംഭവിച്ചതെന്നും വ്യക്തമല്ല.
വിമാനം പറന്നുയര്ന്നു മൂന്നാം മിനിറ്റില് ആകാശത്തുവച്ചു തന്നെ അഗ്നിഗോളമായി മാറുകയും പൊട്ടിച്ചിതറുകയുമായിരുന്നു. ഇക്കാരണത്താലാണ് വിമാനം വീഴ്ത്തപ്പെട്ടതാകാമെന്ന സംശയം ബലപ്പെട്ടിരിക്കുന്നത്. ദുരന്തം സംഭവിക്കുമ്പോള് വിമാനം 7,925 അടി ഉയരത്തിലായിരുന്നു. വിമാനത്തിനു തീപിടിത്തമുണ്ടായാലും ഒരു നിമിഷം കൊണ്ട് ഇങ്ങനെ തീഗോളമായി മാറാന് സാദ്ധ്യതയില്ലെന്നു വൈമാനിക വിദഗ്ദ്ധര് ചൂണ്ടിക്കാട്ടുന്നു.
വിമാനം തിരിച്ചിറക്കാനും പൈലറ്റിന്റെ ഭാഗത്തുനിന്നു ശ്രമമുണ്ടായില്ല. ആകാശത്തുവച്ച് വിമാനം പൊടുന്നനെ അഗ്നിഗോളമായി മാറുകയും റഡാറില് നിന്നു മറയുകയുമായിരുന്നു. വിമാനത്തെ ആരാണ് ഉന്നമിട്ടതെന്ന് ഇനി വേണം വ്യക്തമാവാന്.
ടെഹ്റാനില് നിന്ന് യുക്രെയ്ന് തലസ്ഥാനമായ കീവിലെ ബോറിസ്പില് അന്താരാഷ്ട്ര വിമാനത്താവളത്തിലേക്ക് പുലര്ച്ചെ 5: 15 ന് പുറപ്പെടേണ്ടതായിരുന്നു യുക്രെയ്ന് ഇന്റര്നാഷണല് എയര്ലൈനിന്റെ ഈ വിമാനം. എന്നാല്, വൈകി പ്രാദേശിക സമയം രാവിലെ 6:12 നാണ് വിമാനം പുറപ്പട്ടത്.
ആകാശത്തേയ്ക്കുയര്ന്ന വിമാനം ഒരു തീഗോളമായി നിലംപൊത്തുന്നതിന്റെ ദൃശ്യങ്ങള് ഇറാനിലെ ഐഎസ്എന്എ വാര്ത്താ ഏജന്സി പോസ്റ്റുചെയ്ത വീഡിയോയില് വ്യക്തമാണ്.
ദുരന്തകാരണത്തെക്കുറിച്ച് അന്വേഷണം ആരംഭിച്ചതായി ഇറാന് ഏവിയേഷന് ഓര്ഗനൈസേഷന് വക്താവ് റെസ ജാഫര്സാദെ ടെഹ്റാനില് മാധ്യമപ്രവര്ത്തകരോട് പറഞ്ഞു.
Summary: A Ukrainian airliner carrying at least 170 passengers crashed on Wednesday due to technical problems soon after taking off from Tehran’s Imam Khomeini airport, and all aboard were killed, Iran’s state television said. The Boeing 737 belonging to Ukraine International Airlines crashed near the airport and burst into flames. “The fire is so heavy that we cannot (do) any rescue... we have 22 ambulances, four bus ambulances and a helicopter at the site,” Pirhossein Koulivand, head of Iran’s emergency services, told state television.
Keywords: Ukrainian airliner, Tehran, Imam Khomeini airport, Iran, Boeing 73, Ukraine International Airlines, Pirhossein Koulivand,
COMMENTS