മഴ കനക്കുന്നു, മൂന്നു ജില്ലകളില്‍ ഓറഞ്ച് അലര്‍ട്ട്, ശക്തമായ ഇടിമിന്നലിനും സാധ്യത

തിരുവനന്തപുരം: കേരളത്തില്‍ തുലാവര്‍ഷം ശക്തിപ്രാപിച്ചതോടെ, ഇടുക്കി, വയനാട്, മലപ്പുറം ജില്ലകളില്‍  ഇന്ന് ഓറഞ്ച് അലര്‍ട്ട് പ്രഖ്യാപിച്ചു. ...

തിരുവനന്തപുരം: കേരളത്തില്‍ തുലാവര്‍ഷം ശക്തിപ്രാപിച്ചതോടെ, ഇടുക്കി, വയനാട്, മലപ്പുറം ജില്ലകളില്‍  ഇന്ന് ഓറഞ്ച് അലര്‍ട്ട് പ്രഖ്യാപിച്ചു.

കാലാവസ്ഥ നിരീക്ഷണ കേന്ദ്രം മറ്റ് ഏഴ് ജില്ലകളില്‍ യെല്ലോ അലര്‍ട്ടും പ്രഖ്യാപിച്ചിട്ടുണ്ട്. മത്സ്യത്തൊഴിലാളികള്‍ കടലില്‍ പോകരുതെന്നു കര്‍ശന മുന്നറിയിപ്പും നല്കിയിട്ടുണ്ട്.

തിരുവനന്തപുരം, കൊല്ലം, ആലപ്പുഴ, പത്തനംതിട്ട, കോട്ടയം, എറണാകുളം, കോഴിക്കോട് ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചിട്ടുള്ളത്.

ഉച്ച തിരിഞ്ഞു രണ്ടു മണി മുതല്‍ രാത്രി 10 കനത്ത ഇടിമിന്നലിന് സാധ്യതയുണ്ടെന്നും അതീവ ജാഗ്രത പുലര്‍തത്തണമെന്നും മുന്നറിയിപ്പില്‍ പറയുന്നു.

മഴ കനത്തതോടെ തിരുവനന്തപുരം ജില്ലയിലെ പൊന്മുടിയില്‍ സഞ്ചാരികള്‍ക്ക് രണ്ട് ദിവസത്തേക്ക് നിയന്ത്രണം ഏര്‍പ്പെടുത്തി. പൊന്മുടി, കല്ലാര്‍ മേഖലകളില്‍ ഇന്നലെ ആറ് മണിക്കൂര്‍ തുടര്‍ച്ചയായി കനത്ത മഴ പെയ്തിരുന്നു

ഇവിടെ, മലവെള്ളപാച്ചിലില്‍ പൊന്നന്‍ചുണ്ട്, മണലി പാലങ്ങള്‍ മുങ്ങിപ്പോയി. കല്ലാര്‍, വാമനപുരം നദികള്‍ കരകവിഞ്ഞൊഴുകുകയാണ്.

തലസ്ഥാനത്തെത്തുന്ന കിള്ളിയാറിന്റെ തീരത്തുള്ളവര്‍ ജാഗ്രത പാലിക്കണമെന്നും ജില്ലാഭരണകൂടം അറിയിച്ചിട്ടുണ്ട്.

കനത്ത മഴയെ തുടര്‍ന്ന് കോഴിക്കോട് കോട്ടൂരില്‍ ദുരിതാശ്വാസ ക്യാമ്പ് തുറന്നു.

Keywords: Rain, Monsoor, Kerala, Thunderstorm, Red Alert