കോട്ടയം: ട്രെയിന് യാത്രയ്ക്കിടെ കേരളത്തിലെ പ്രമുഖ രാഷ്ട്രീയ നേതാവിന്റെ മകന് തന്നെ അപമാനിച്ചിട്ടുണ്ടെന്ന് ജോസ് കെ മാണി എംപിയുടെ ഭാര്യ നി...
യാത്രയിലേറ്റ അപമാനം വിവരിച്ച് `മീ ടൂ' പ്രചാരണത്തില് താനും പങ്കു ചേരുന്നുവെന്ന് നിഷ പറയുന്നു. കോട്ടയത്തേക്കുള്ള യാത്രയ്ക്കിടെയാണ് രാഷ്ട്രീയ നേതാവിന്റെ മകനാണെന്ന് പറഞ്ഞ് ആ യുവാവ് പരിചയപ്പെട്ടത്. രാത്രിയാണ് സംഭവം നടക്കുന്നത്. മെലിഞ്ഞ പ്രകൃതമുള്ള യുവാവ് അച്ഛന്റെ പേര് പറഞ്ഞ് പരിചയപ്പെട്ട ശേഷം സംസാരം ആരംഭിക്കുകയായിരുന്നെന്നും അപകടത്തില്പ്പെട്ട് തിരുവനന്തപുരത്ത് ആശുപത്രിയില് കിടക്കുന്ന ഭാര്യാപിതാവിനെ കാണാന് വന്നതാണെന്നാണ് പറഞ്ഞതെന്നും സംസാരത്തിനിടെ അയാള് അനാവശ്യമായി തന്റെ കാല്പാദത്തില് സ്പര്ശിച്ചുവെന്നും നിഷ പുസ്തകത്തില് വെളിപ്പെടുത്തുന്നു.
ശല്യം സഹിക്കാനാവാതെ എഴുന്നേറ്റ് പോകാന് പറഞ്ഞെങ്കിലും കൂട്ടാക്കിയില്ലെന്നും ടി.ടി.ആറിനോട് പരാതിപ്പെട്ടപ്പോള് നിങ്ങള് ഒരേ രാഷ്ട്രീയ മുന്നണിയില് പെട്ടവരായതിനാല് ഇത് ഒടുവില് എന്റെ തലയില് വീഴുമെന്ന് പറഞ്ഞ് ടിടിആര് കൈമലര്ത്തിയെന്നും നിഷ പുസ്തകത്തില് വിവരിക്കുന്നു.
അയാളുടെ ശല്യം അസഹ്യമായപ്പോള് താന് ബഹളംവച്ചെന്നും അതോടെ അയാള് എഴുന്നേറ്റ് പോവുകയായിരുന്നുവെന്നും വീട്ടിലെത്തി ഇക്കാര്യം ഭര്ത്താവിനോട് പറഞ്ഞുവെന്നും നിഷ ജോസ് വെളിപ്പെടുത്തുന്നു.
COMMENTS