ന്യൂഡല്ഹി: ഇന്ത്യന് അതിര്ത്തിയില് ചൈനയുടെ യുദ്ധ വിമാനങ്ങള് ഇറങ്ങിയതായി സ്ഥിരീകരിക്കാത്ത റിപ്പോര്ട്ട് വന്നു. ടിബറ്റില് ചൈനയുടെ യുദ്...
ദോക്ലാമില് നേരത്തെ ഇന്ത്യന് അതിര്ത്തിയോട് ചേര്ന്ന് ചൈന റോഡ് നിര്മ്മാണം തുടങ്ങിയതിന് പിന്നാലെ ഇരു രാജ്യങ്ങള്ക്കുമിടയില് സംഘര്ഷാവസ്ഥ നിലനിന്നിരുന്നു. രണ്ട് മാസത്തോളം നീണ്ട സംഘര്ഷാവസ്ഥയ്ക്ക് ബ്രിക്സ് ഉച്ചകോടിക്ക് തൊട്ടുമുമ്പാണ് പരിഹാരമായത്. തുടര്ന്ന് ഇന്ത്യയും ചൈനയും ഇവിടെ നിന്ന് പിന്മാറുകയും നേരത്തെ ആരംഭിച്ച റോഡ് നിര്മ്മാണം ചൈന അവസാനിപ്പിക്കുകയുമായിരുന്നു.
ഇതിന് ശേഷം വീണ്ടും ചൈന പ്രകോപനം തുടങ്ങുകയും നേരത്തെ പിന്മാറിയ സ്ഥലത്ത് നിന്ന് 150 മീറ്ററോളം മുന്നോട്ട് മാറി ചൈനീസ് സൈന്യം നിലയുറപ്പിക്കുകയും ചെയ്തിരുന്നു.
10 കിലോമീറ്റര് അകലെ മറ്റൊരു സ്ഥലത്ത് റോഡ് നിര്മ്മാണവും തുടങ്ങിയിരുന്നെങ്കിലും ഇന്ത്യയുടെ എതിര്പ്പിനെ തുടര്ന്ന് നിര്ത്തി വയ്ക്കുകയായിരുന്നു. ഇതിനിടയിലാണ് ഇപ്പോള് ചൈനയുടെ യുദ്ധ വിമാനങ്ങള് ടിബറ്റന് അതിര്ത്തിയില് ഇറങ്ങിയതായി റിപ്പോര്ട്ടുകള് വരുന്നത്.
COMMENTS