വിന്‍ഡീസിനെ നാലു വിക്കറ്റിന് മുട്ടുകുത്തിച്ചു, തുടര്‍ച്ചയായ നാലാം ജയം ആഘോഷിച്ച് ടീം ഇന്ത്യ

പെര്‍ത്ത് : എല്ലാവരും എഴുതിത്തള്ളിയ ടീം ഇന്ത്യ തുടര്‍ച്ചയായ നാലാം ജയം ആഘോഷിച്ചുകൊണ്ട് ലോക കപ്പ് ക്രിക്കറ്റില്‍ ക്വാര്‍ട്ടര്‍ ഫൈനലില്‍. വെ...

പെര്‍ത്ത് : എല്ലാവരും എഴുതിത്തള്ളിയ ടീം ഇന്ത്യ തുടര്‍ച്ചയായ നാലാം ജയം ആഘോഷിച്ചുകൊണ്ട് ലോക കപ്പ് ക്രിക്കറ്റില്‍ ക്വാര്‍ട്ടര്‍ ഫൈനലില്‍. വെസ്റ്റ് ഇന്‍ഡീസിനെ … റണ്‍സിനു തോല്‍പ്പിച്ചാണ് ഇന്ത്യ നാലാം ജയം ആഘോഷിച്ചത്.

ഇന്ത്യക്കുവേണ്ടി ശിഖര്‍ ധവാ(7) നും രോഹിത് ശര്‍മ (9) യുമാണ് ഇന്നിങ്‌സ് ഓപണ്‍ ചെയ്തത്. ഇരുവര്‍ക്കും കാര്യമായി ഒന്നും ചെയ്യാനായില്ല. തുടര്‍ന്നു വന്ന വിരാട് കോലി 33 (36) റണ്‍സെടുത്ത് പിടിച്ചുനില്‍ക്കാന്‍ നോക്കി. അജിന്‍ക്യ രഹാനെ (14), സുരേഷ് റെയ്‌ന (22) എന്നിവരു വീണപ്പോള്‍ ഇന്ത്യ അപകടം മണത്തിരുന്നു.

എന്നാല്‍, ജഡേജയെയും അശ്വിനെയും കൂട്ടുപിടിച്ച് ക്യാപ്ടന്‍ ധോണി 45 (56) ഇന്ത്യ ജയത്തിലേക്കു നയിക്കുകയായിരുന്നു.

ടോസ് നേടി ആദ്യം ബാറ്റു ചെയ്ത വിന്‍ഡീസ് 44.2 ഓവറില്‍ 182 റണ്‍സിനു പുറത്തായി. 57 റണ്‍സ് നേടിയ ക്യാപ്റ്റന്‍ ജേസണ്‍ ഹോള്‍ഡറാണ് ടോപ് സ്‌കോറര്‍.

വെടിക്കെട്ടു വീരന്‍ ക്രിസ് ഗെയ്‌ലും മര്‍ലോണ്‍ സാമുവല്‍സും കാര്യമായി സംഭാവന ചെയ്യാതെ മടങ്ങിയതു വിന്‍ഡീസിനു തിരിച്ചടിയായി. സ്‌കോര്‍ എട്ടില്‍ നില്‍ക്കേ വിന്‍ഡീസിന് ഓപ്പണര്‍ ഡ്വെയ്ന്‍ സ്മിത്തിനെ നഷ്ടമായി. നിരവധി തവണ ഭാഗ്യം തുണച്ചിട്ടും ഗെയ്‌ലിനു വിന്‍ഡീസിനെ രക്ഷിക്കാനായില്ല. രണ്ടു ഫോറും ഒരു സിക്‌സും ഉള്‍പ്പടെ 21 റണ്‍സ് മാത്രമായിരുന്നു ഗെയ്‌ലിന്റെ സംഭാവന.

സാമുവല്‍സ് (2), ദിനേശ് രാംദിന്‍ (0), ജൊനാദന്‍ കാര്‍ട്ടര്‍ (21), ലണ്ഡല്‍ സിമ്മണ്‍സ് (9), ഡാരന്‍ സമി (26), ആന്ദ്രേ റസല്‍ (8) എന്നിവര്‍ക്കു ഇന്ത്യന്‍ ബൗളിംഗിനെ പ്രതിരോധിക്കാന്‍ കഴിഞ്ഞില്ല.

വാലറ്റത്തെ കൂട്ടുപിടിച്ചു ഹോള്‍ഡര്‍ നടത്തിയ പോരാട്ടമാണു സ്‌കോര്‍ 182-ലെത്തിച്ചത്. 64 പന്തു നേരിട്ട ഹോള്‍ഡര്‍ മൂന്നു സിക്‌സും നാലു ഫോറും നേടി പത്താമനായാണു പുറത്തായത്. കീമര്‍ റോച്ച് (0) പുറത്താകാതെ നിന്നു.

ഇന്ത്യക്കുവേണ്ടി മുഹമ്മദ് ഷമി മൂന്നും ഉമേഷ് യാദവ്, രവീന്ദ്ര ജഡേജ എന്നിവര്‍ രണ്ടു വീതം വിക്കറ്റ് നേടി.