തിരുവന്തപുരം: കേരളത്തില്‍ ഇന്ന് 21 പേര്‍ക്ക് കൂടി കൊറോണ വൈറസ് ബാധ സ്ഥിരീകരിച്ചുവെന്ന് മുഖ്യമന്ത്രി പിണറായി വിജയന്‍ അറിയിച്ചു. കാസര്‍കോ...
തിരുവന്തപുരം: കേരളത്തില്‍ ഇന്ന് 21 പേര്‍ക്ക് കൂടി കൊറോണ വൈറസ് ബാധ സ്ഥിരീകരിച്ചുവെന്ന് മുഖ്യമന്ത്രി പിണറായി വിജയന്‍ അറിയിച്ചു.
കാസര്‍കോട്-8
ഇടുക്കി-5
കൊല്ലം-2
തിരുവനന്തപുരം-1
പത്തനംതിട്ട-1
തൃശൂര്‍-1
മലപ്പുറം-1
കോഴിക്കോട്-1
കണ്ണൂര്‍-1
എന്നിങ്ങനെയാണ് ഇന്നു രോഗം സ്ഥിരീകരിച്ചവരുടെ കണക്ക്.
ഇവരില്‍ രണ്ടുപേര്‍ നിസാമുദ്ദീനില്‍ നടന്ന മത ചടങ്ങില്‍ പങ്കെടുത്തവരാണ്.
കേരളത്തില്‍ കാസര്‍കോട്, കണ്ണൂര്‍, എറണാകുളം, തൃശൂര്‍, തിരുവനന്തപുരം, പത്തനംതിട്ട, മലപ്പുറം ജില്ലകള്‍ കൊറോണ തീവ്രബാധിത ജില്ലകളാണെന്നു മുഖ്യമന്ത്രി പറഞ്ഞു. രോഗബാധിതരില്‍ കൊല്ലത്തെ 27 വയസുള്ള ഗര്‍ഭിണിയുമുണ്ട്.
കേരളത്തില്‍ ആകെ രോഗബാധിതരുടെ എണ്ണം -286.
ഇന്ന് ആശുപത്രിയിലായവര്‍-145
വിദേശത്തുനിന്നു വന്ന രോഗബാധിതര്‍- 200
രോഗബാധിതരായ വിദേശികള്‍-7
സമ്പര്‍ക്കത്തിലൂടെ രോഗബാധിതരായവര്‍-76
വീടുകളില്‍ നിരീക്ഷണത്തിലുള്ളവര്‍-1,65,291
ആശുപത്രികളില്‍ കഴിയുന്നവര്‍- 643
ഇന്ന് അയച്ച സാമ്പിളുകള്‍- 8456.
ഇതേസമയം, രാജ്യമാകെ പ്രഖ്യാപിച്ച ലോക്ക്ഡൗണ്‍ നീട്ടില്ലെന്ന് മുഖ്യമന്ത്രിമാരുമായുള്ള വീഡിയോ കോണ്‍ഫറന്‍സിംഗില്‍ പ്രധാനമന്ത്രി നരേന്ദ്രമോഡി പറഞ്ഞു.
ലോക്ക്ഡൗണ്‍ ഏപ്രില്‍ 14 വരെ മാത്രമേ പ്രാബല്യത്തിലുണ്ടാകൂ. പക്ഷേ, സഞ്ചാരനിയന്ത്രണം പിന്നെയും തുടരും. ആഭ്യന്തരമന്ത്രി അമിത് ഷാ, പ്രതിരോധമന്ത്രി രാജ്നാഥിസിഗ്, ആരോഗ്യ മന്ത്രി ഹര്‍ഷവര്‍ദ്ധന്‍ എന്നിവരും സംബന്ധിച്ചു.
കൊറോണ വൈറസ് വ്യാപനത്തിന്റെ പശ്ചാത്തലത്തില്‍ പ്രധാനമന്ത്രി വെള്ളിയാഴ്ച രാവിലെ ഒന്‍പതു മണക്കി വീഡിയോ സന്ദേശം പുറപ്പെടുവിക്കും.
Summary: Chief Minister Pinarayi Vijayan today said that 21 more people have been confirmed with the coronavirus virus. The Chief Minister said that the districts of Kasaragod, Kannur, Ernakulam, Thrissur, Thiruvananthapuram, Pathanamthitta and Malappuram are the worst affected districts. The 27-year-old pregnant woman in Kollam was also among those infected.
Total number of affected persons in Kerala is 286
Those who were hospitalized today — 145
Infected by contact-76
Samples sent today- 8456
Keywords: Chief Minister Pinarayi Vijayan, Coronavirus virus, Kasaragod, Kannur, Ernakulam, Thrissur, Thiruvananthapuram, Pathanamthitta, Malappuram , Pregnant woman
COMMENTS