Search

അമേരിക്കയില്‍ ട്രക്കിംഗിനിടെ 3500 അടി ഉയരത്തില്‍ നിന്നു വീണു മരിച്ച മലയാളി ദമ്പതികള്‍ മദ്യപിച്ചിരുന്നുവെന്നു പോസ്റ്റുമോര്‍ട്ടം റിപ്പോര്‍ട്ട്


കലിഫോര്‍ണിയ : അമേരിക്കയില്‍ ട്രക്കിംഗിനിടെ സെല്‍ഫിയെടുക്കവേ മലമുകളില്‍ നിന്നു വീണു മരിച്ച കണ്ണൂര്‍ സ്വദേശികളായ യുവദമ്പതികള്‍ മദ്യപിച്ചിരുന്നതായി പോസ്റ്റുമോര്‍ട്ടം റിപ്പോര്‍ട്ട്.

കതിരൂര്‍ സ്വദേശിയായ വിഷ്ണു (29), ഭാര്യ മീനാക്ഷി (29) എന്നിവരാണ് കലിഫോര്‍ണിയയിലെ മലമുകളില്‍ സെല്‍ഫി എടുക്കവേ കാല്‍വഴുതി കൊക്കയില്‍ വീണു മരിച്ചത്.

ഡെയ്‌ലി മെയിലാണ് ഇവരുടെ പോസ്റ്റുമോര്‍ട്ടം റിപ്പോര്‍ട്ടു പുറത്തുകൊണ്ടുവന്നത്.

യോസാമിറ്റി നാഷണല്‍ പാര്‍ക്കില്‍ ട്രക്കിങ്ങിനിടെ 3500 അടി ഉയരത്തില്‍ നിന്നു വീഴുകയായിരുന്നു ഇരുവരും. ഒക്ടോബര്‍ 26നായിരുന്നു സംഭവം.

അമേരിക്കയിലെ ഇന്ത്യന്‍ കോണ്‍സുലേറ്റാണ് ബന്ധുക്കളെ മരണവിവരം അറിയിച്ചത്.

മൃതദേഹത്തില്‍ നിന്നു ലഭിച്ച ഡ്രൈവിംഗ് ലൈസന്‍സാണ് ആളെ തിരിച്ചറിയാന്‍ സഹായിച്ചത്. അമേരിക്കയില്‍ സോഫ്റ്റ്‌വെയര്‍ എന്‍ജിനിയറായിരുന്നു വിഷ്ണു. വിഷ്ണു ഓഫീസിലെത്താതിരുന്നതിനെ തുടര്‍ന്ന് സഹപ്രവര്‍ത്തകര്‍ അന്വേഷിച്ചിട്ടും രണ്ടു പേരെക്കുറിച്ചും വിവരമൊന്നും കിട്ടിയില്ല.

തുടര്‍ന്നു പൊലീസിന്റെ സഹയത്തോടെ നടത്തിയ അന്വേഷണത്തിലാണ് മരണവിവരം അറിഞ്ഞത്.

കതിരൂരിലെ ശ്രേയസ് ആശുപത്രി ഉടമ ഡോ. എം.വി. വിശ്വനാഥന്റെയും ഡോ. സുഹാസിനിയും മകനാണ് വിഷ്ണു. വിഷ്ണുവിന്റെ സഹോദരന്‍ ജിഷ്ണു ഓസ്ട്രലിയയിലെ മെല്‍ബണിലാണ്. കോട്ടയം നിവാസി രാമമൂര്‍ത്തിയുടെയും ചിത്രയുടെയും മകളാണ് മീനാക്ഷി.

ചെങ്ങന്നൂരില്‍ എന്‍ജിനിയറിംഗ് കോളജില്‍ സഹപാഠികളായിരുന്നു വിഷ്ണുവും മീനാക്ഷിയും. പ്രണയിച്ചു വിവാഹം കഴിക്കുകയായിരുന്നു.

തലയ്‌ക്കേറ്റ ക്ഷതമാണ് മരണകാരണമെന്നു പോസ്റ്റുമോര്‍ട്ടം റിപ്പോര്‍ട്ടില്‍ പറയുന്നു.

അമേരിക്കയില്‍ മലമുകളില്‍ സെല്‍ഫിയെടുക്കുന്നതിനിടെ കാല്‍ വഴുതിവീണ് മലയാളി യുവദമ്പതികള്‍ മരിച്ചു



Keywords: India, US, Couple, Vishnu, Meenakshi 



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ അമേരിക്കയില്‍ ട്രക്കിംഗിനിടെ 3500 അടി ഉയരത്തില്‍ നിന്നു വീണു മരിച്ച മലയാളി ദമ്പതികള്‍ മദ്യപിച്ചിരുന്നുവെന്നു പോസ്റ്റുമോര്‍ട്ടം റിപ്പോര്‍ട്ട്