Search

സന്നിധാനത്തെ രാത്രിയിലെ നാമജപം: അറസ്റ്റിലായ 82 പേരെയും വെളുപ്പിന് അഞ്ചരയ്ക്കു സ്റ്റേഷന്‍ ജാമ്യത്തില്‍ വിട്ടു


ശബരിമല: സന്നിധാനത്തു നാമജപ പ്രാര്‍ത്ഥന നടത്തിയതിന് അറസ്റ്റിലായ 82 പേര്‍ക്കും ജാമ്യം ലഭിച്ചു. മണിയാര്‍ ക്യാമ്പില്‍ നിന്ന് വെളുപ്പിന് അഞ്ചരയോടെ ഇവരെ സ്‌റ്റേഷന്‍ ജാമ്യത്തില്‍ വിടുകയായിരുന്നു.

വാവരുനടയ്ക്കും അരവണ കൗണ്ടറിനും സമീപം സ്ഥാപിച്ചിരുന്ന ബാരിക്കേഡുകള്‍ മറികടന്നു വന്നു ശരണം വിളിച്ചതിന് ശനിയാഴ്ച രാത്രി 11 നാണ് ഇവരെ അറസ്റ്റു ചെയ്തത്.

ബിജെപി കോട്ടയം ജില്ലാ ട്രഷറര്‍ കെ.ജി. കണ്ണന്‍ ഉള്‍പ്പെടെ അറസ്റ്റിലായിരുന്നു. രാത്രി അരമണിക്കൂറിലേറെ ഇവര്‍ വാവരു നടയ്ക്കു മുന്നിലിരുന്ന് ശരണം വിളിച്ചിരുന്നു. ഹരിവരാസനം ചൊല്ലി നട അടച്ചശേഷവും പിരിഞ്ഞുപോകാതെ അവിടെത്തന്നെ ഇരുന്നു ശരണം വിളിക്കുകയായിരുന്നു. തുടര്‍ന്നായിരുന്നു അറസ്റ്റ്.

ശബരിമലയില്‍ കൂട്ടമായെത്തി ശരണം വിളിക്കുന്നതിന് തടസമില്ലെന്ന് ജില്ലാ കളക്ടറുടെ ഉത്തരവില്‍ പറയുന്നുണ്ട്. ഇതു ചൂണ്ടിക്കാട്ടിയാണ് ശരണം വിളിച്ചവര്‍ തങ്ങളുടെ നടപടിയെ ന്യായീകരിക്കുന്നത്.
ഡിജിപി ഹൈക്കോടതിയില്‍ നല്‍കിയ സത്യവാങ്മൂലത്തിലും ശരണം വിളിക്കുന്നതില്‍ തെറ്റില്ലെന്നു വ്യക്തമാക്കിയിരുന്നു.

പൊലീസ് സ്ഥാപിച്ചിരുന്ന ബാരിക്കേഡ് മറികടന്ന് ശരണം വിളിച്ചതോടെയാണ് അറസ്റ്റുണ്ടായതെന്നാണ് പൊലീസ് വ്യാഖ്യാനം. ഇവരെ കോടതിയില്‍ ഹാജരാക്കിയാല്‍ ഒരു പക്ഷേ, എതിര്‍ പരാമര്‍ശമുണ്ടാകാന്‍ സാദ്ധ്യതയുണ്ടെന്നു കണ്ടു കൂടിയാണ് വിട്ടയച്ചതെന്നു പറയപ്പെടുന്നു.

Keywords: Lord Ayyappa, Sabarimala, Maniyar, Collector, DGP, Police



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ സന്നിധാനത്തെ രാത്രിയിലെ നാമജപം: അറസ്റ്റിലായ 82 പേരെയും വെളുപ്പിന് അഞ്ചരയ്ക്കു സ്റ്റേഷന്‍ ജാമ്യത്തില്‍ വിട്ടു