BREAKING NEWS
Search

നാട്ടില്‍ ജീവിക്കാന്‍ ആശങ്കയുണ്ടെന്ന് ശ്രീജിത്ത്, കുറ്റവാളികളായ പൊലീസുകാര്‍ സ്വന്തം നാട്ടുകാരാണ്, ഗൂഢാലോചന നടക്കുന്നതായി സംശയം

തിരുവനന്തപുരം: തനിക്കെതിരെ ഗൂഢാലോചനയുള്ളതായി സംശയിക്കുന്നെന്ന് ശ്രീജിത്ത്. കുറ്റവാളികളായ പൊലീസ് ഉദ്യോഗസ്ഥര്‍ സ്വന്തം നാട്ടുകാരാണ്. അതിനാല്‍, തുടര്‍ന്ന് നാട്ടില്‍ ജീവിക്കാന്‍ ആശങ്കയുണ്ടെന്നും ശ്രീജിത്ത് പറഞ്ഞു.

സഹോദരന്റെ മരണത്തില്‍ നീതിനേടി ഒരുവര്‍ഷത്തില്‍ കൂടുതല്‍ സെക്രട്ടേറിയറ്റിനു മുന്നില്‍ സമരം ചെയ്ത ശ്രീജിത്ത് ഒടുവില്‍ സിബിഐ അന്വേഷണം പ്രഖ്യാപിച്ച ശേഷമാണ് സമരം അവസാനിപ്പിച്ചത്.

സമരം ജനശ്രദ്ധയില്‍ കൊണ്ടുവന്ന സമൂഹമാധ്യമ കൂട്ടായ്മയെയും ശ്രീജിത്ത് തള്ളിപ്പറഞ്ഞു. കൂട്ടായ്മയിലെ ചിലര്‍ പണപ്പിരിവ് നടത്തിയതായി ശ്രീജിത്ത് ആരോപിച്ചു.

കൂട്ടായ്മയിലെ ഒരുവിഭാഗം മാനസികമായി ബുദ്ധിമുട്ടിച്ചെന്നും ഒപ്പം നിന്ന പലരും പീന്നീട് തള്ളിപ്പറഞ്ഞെന്നും ശ്രീജിത്ത് പറഞ്ഞു.

സാമ്പത്തിക സഹായവുമായി പലരും മുന്നോട്ടുവന്നിരുന്നു. എന്നാല്‍, അത്തരം സഹായങ്ങള്‍ പരമാവധി ഒഴിവാക്കാനാണ് ശ്രമിച്ചത്.

പക്ഷേ, തന്നോടൊപ്പമുണ്ടായിരുന്ന കൂട്ടായ്മയിലെ ചില പണം വാങ്ങിയതായി പിന്നീട് അറിഞ്ഞെന്നും ശ്രീജിത്ത് പറഞ്ഞു. ഇപ്പോഴും ചിലര്‍ പിരിവു നടത്തുന്നതായി അറിയാന്‍ കഴിഞ്ഞെന്നും ശ്രീജിത്ത് അറിയിച്ചു.


Keywords: Sreejith, Plice, Social media, strike





TAG

vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ നാട്ടില്‍ ജീവിക്കാന്‍ ആശങ്കയുണ്ടെന്ന് ശ്രീജിത്ത്, കുറ്റവാളികളായ പൊലീസുകാര്‍ സ്വന്തം നാട്ടുകാരാണ്, ഗൂഢാലോചന നടക്കുന്നതായി സംശയം