തൃശൂർ: പത്മജ വേണുഗോപാൽ ബിജെപിയിൽ നിന്ന് രാജിവെച്ച വിഷയത്തിൽ പ്രതികരിക്കേണ്ടത് പാർട്ടിയുടെ സംസ്ഥാന നേതൃത്വമാണെന്നും താനല്ല മറുപടി പറയേണ്ടതെന്...
തൃശൂർ: പത്മജ വേണുഗോപാൽ ബിജെപിയിൽ നിന്ന് രാജിവെച്ച വിഷയത്തിൽ പ്രതികരിക്കേണ്ടത് പാർട്ടിയുടെ സംസ്ഥാന നേതൃത്വമാണെന്നും താനല്ല മറുപടി പറയേണ്ടതെന്നും കേന്ദ്രമന്ത്രി സുരേഷ് ഗോപി. വ്യാഴാഴ്ച മാധ്യമപ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം.
പത്മജയുടെ രാജിയുമായി ബന്ധപ്പെട്ട കാര്യങ്ങൾ ചോദിക്കേണ്ടത് തന്റെ അടുത്തല്ലെന്നും അത് ബിജെപി സംസ്ഥാന ഘടകത്തോടാണ് ചോദിക്കേണ്ടതെന്നും സുരേഷ് ഗോപി പറഞ്ഞു. സംസ്ഥാന രാഷ്ട്രീയം കൈകാര്യം ചെയ്യുന്ന നേതാക്കൾ ഈ വിഷയം മാന്യമായി കൈകാര്യം ചെയ്യുമെന്നാണ് താൻ വിശ്വസിക്കുന്നത്. പത്മജയെ ബിജെപിയിലേക്ക് കൊണ്ടുവന്നത് താനല്ലെന്നും, അവരെ പാർട്ടിയിൽ ചേർക്കുന്നതിനായി യാതൊരു ഇടപെടലും നടത്തിയിട്ടില്ലെന്നും അദ്ദേഹം വ്യക്തമാക്കി. പത്മജ പാർട്ടി വിട്ടുപോകുന്നതിനെ എതിർക്കാൻ തനിക്ക് അവകാശമില്ലെന്നും താൻ ഈ വിഷയത്തിന്റെ ഭാഗമല്ലെന്നും കേന്ദ്രമന്ത്രി കൂട്ടിച്ചേർത്തു.
അതേസമയം, ബിജെപിയുടെ ആശയങ്ങൾ കൃത്യമായി പഠിക്കാതെയാണ് പാർട്ടിയിലേക്ക് എടുത്തുചാടിയതെന്നും ആ തെറ്റ് തിരുത്തുകയാണെന്നും വ്യക്തമാക്കിയാണ് പത്മജ വേണുഗോപാൽ വ്യാഴാഴ്ച രാവിലെ രാജി പ്രഖ്യാപിച്ചത്. ഇമെയിൽ വഴി നേതൃത്വത്തിന് രാജിക്കത്ത് കൈമാറിയതായും അവർ അറിയിച്ചു. സ്ഥാനമാനങ്ങൾ ലഭിക്കാത്തതിനാലല്ല രാജിയെന്നും, കോൺഗ്രസിലേക്ക് മടങ്ങുന്ന കാര്യത്തിൽ ഇതുവരെ തീരുമാനമെടുത്തിട്ടില്ലെന്നും പത്മജ വ്യക്തമാക്കിയിട്ടുണ്ട്.
Key Words : Suresh Gopi, Padmaja Venugopal, BJP

COMMENTS