ഫ്ലൈദുബായ് വിമാനത്തിലെ കോക്ക്പിറ്റ് ആക്രമണം ഭീകരാക്രമണം; ഇന്ത്യൻ പൈലറ്റിന് യുഎഇയുടെ ആദരം

ദുബായ്: ദുബായിൽ നിന്ന് ഇസ്രയേലിലെ ടെൽ അവീവിലേക്ക് 174 യാത്രക്കാരുമായി പറന്ന ഫ്ലൈദുബായ് വിമാനത്തിന്റെ കോക്ക്പിറ്റിൽ സഹപൈലറ്റ് നടത്തിയ അക്രമം ...

ദുബായ്: ദുബായിൽ നിന്ന് ഇസ്രയേലിലെ ടെൽ അവീവിലേക്ക് 174 യാത്രക്കാരുമായി പറന്ന ഫ്ലൈദുബായ് വിമാനത്തിന്റെ കോക്ക്പിറ്റിൽ സഹപൈലറ്റ് നടത്തിയ അക്രമം ഭീകരാക്രമണമാണെന്ന് യുഎഇ ഔദ്യോഗികമായി സ്ഥിരീകരിച്ചു. യുഎഇ പ്രസിഡന്റിന്റെ മുതിർന്ന നയതന്ത്ര ഉപദേഷ്ടാവ് ഡോ. അൻവർ ഗർഗാഷാണ് ഈ വിവരം വ്യക്തമാക്കിയത്. 

അതീവ ഗുരുതരമായ സാഹചര്യത്തിലും അസാമാന്യ ധീരത പ്രകടിപ്പിച്ച് വിമാനവും യാത്രക്കാരെയും രക്ഷിച്ച ഇന്ത്യൻ പൈലറ്റ് ക്യാപ്റ്റൻ സ്മിത് മച്ചാറിനെ യുഎഇ ഭരണകൂടം ഔദ്യോഗികമായി അഭിനന്ദിക്കുകയും ആദരിക്കുകയും ചെയ്തു.

വിമാനം ലക്ഷ്യസ്ഥാനത്തോടടുക്കുമ്പോൾ ഒമാൻ സ്വദേശിയായ സഹപൈലറ്റ് പെട്ടെന്ന് ക്യാപ്റ്റൻ സ്മിത് മച്ചാറിനെ കത്തികൊണ്ട് കുത്തി പരിക്കേൽപ്പിക്കുകയും വിമാനം താഴേക്ക് പതിപ്പിക്കാൻ ശ്രമിക്കുകയുമായിരുന്നു. വിമാനം പെട്ടെന്ന് 17,000 അടി താഴേക്ക് പതിച്ചതോടെ യാത്രക്കാർ പരിഭ്രാന്തരായി. എന്നാൽ ശരീരമാസകലം ഗുരുതരമായി കുത്തേറ്റ നിലയിലും ക്യാപ്റ്റൻ മച്ചാർ അക്രമിയോട് ധീരമായി പോരാടി. തന്റെ അവസാന ശ്രമമെന്നോണം കോക്ക്പിറ്റ് വാതിൽ ഉള്ളിൽ നിന്നും തുറക്കാൻ അദ്ദേഹത്തിന് സാധിച്ചു.

വാതിൽ തുറന്നതോടെ യാത്രക്കാരായ മൂന്ന് ഇസ്രയേൽ പൗരന്മാരും ക്യാബിൻ ക്രൂവും കോക്ക്പിറ്റിലേക്ക് ഇരച്ചുകയറുകയും അക്രമിയെ കീഴ്‌പ്പെടുത്തുകയുമായിരുന്നു. തുടർന്ന് വിമാനത്തിലുണ്ടായിരുന്ന മറ്റൊരു റിലീഫ് പൈലറ്റിന്റെ സഹായത്തോടെ സൗദി അറേബ്യയിലെ തബൂക്ക് വിമാനത്താവളത്തിൽ വിമാനം അടിയന്തരമായി സുരക്ഷിതമായി ലാൻഡ് ചെയ്തു.

Key Words : Pilot Attack, UAE, Flydubai flight