ഈഴവർ പൂണൂൽ ധരിച്ച്​ പൂജ നടത്തുന്നത്​ ബ്രാഹ്മണ മഹിമയുള്ളതിനാൽ: ജി സുധാകരൻ

തിരുവനന്തപുരം : ഈഴവ സമുദായത്തിലെ ചില ക്ഷേത്രങ്ങളിൽ പൂണൂൽ ധരിച്ച്​ പൂജ നടത്തുന്നത്​ ബ്രാഹ്മണ മഹിമ ഹൃദയത്തിലുള്ളതിനാലാണെന്ന്​​ ജി സുധാകരൻ എം എ...

തിരുവനന്തപുരം : ഈഴവ സമുദായത്തിലെ ചില ക്ഷേത്രങ്ങളിൽ പൂണൂൽ ധരിച്ച്​ പൂജ നടത്തുന്നത്​ ബ്രാഹ്മണ മഹിമ ഹൃദയത്തിലുള്ളതിനാലാണെന്ന്​​ ജി സുധാകരൻ എം എൽ എ. ബ്രാഹ്മണ സംസ്‌കാരം ഹൃദയത്തിൽ കൊണ്ടുനടക്കുന്ന ബ്രാഹ്മണമരല്ലാത്തവർ കേരളത്തിലുണ്ട്‌. അതിന്‌ ഉദാഹരണമാണ്‌ ഈഴവമുദായം. 33 ശതമാനം വരുന്ന ഈഴവർ നടത്തുന്ന അമ്പലങ്ങളിൽ പൂണൂൽ ധരിച്ചാണ്‌ പൂജകൾ നടത്തുന്നത്‌. പൂണൂൽ ധരിച്ചാൽ മാത്രമേ പൂജ ശരിയാകൂവെന്നാണ് അവർ വിശ്വസിക്കുന്നത്‌. ആ സംസ്കാരം അറിയാതെ തന്നെ നിലനിൽക്കുന്നു. 

ബ്രാഹ്​മണ സാമൂഹിക വ്യവസ്ഥയുടെ  ഉച്ചനീചത്വങ്ങളെയാണ് ഇ എം എസ്​ നമ്പൂതിരിപ്പാടും വി ടി ഭട്ടതിരിപ്പാടും എതിർത്തത്. വി ടി ഭട്ടതിരിപ്പാട് സ്ത്രീകൾക്ക് സ്വാതന്ത്ര്യം നൽകി. ആദ്യകാലത്ത് അടുക്കളയിൽ നിന്ന്​ അരങ്ങത്തേക്ക്​ വരാൻ പറഞ്ഞു. ബ്രാഹ്മണ വിഭാഗത്തിൽപെട്ട ഇവർ സമൂഹത്തിലെ അനാചാരങ്ങൾക്കെതിരെയാണ്​ പോരാടിയത്. ഭരണഘടനയും നിയമങ്ങളും നിലവിൽ വന്നതോടെ ബ്രാഹ്മണ സമൂഹത്തിന്‍റെ അവകാശങ്ങൾ നഷ്​ട​​​പ്പെട്ടു. ആ സമൂഹത്തിലെ ഗണ്യമായ ഒരു വിഭാഗം വളരെ പ്രയാസത്തിലും കഷ്​ടപ്പാടിലുമാണ്​ കഴിയുന്നത്​. 

ബ്രാഹ്മണ സമൂഹത്തിലെ ഭാരിദ്ര്യരേഖക്ക്​ താഴെയുള്ളവർക്ക്​ കേ​ന്ദ്ര,സംസ്ഥാന സർക്കാർ ​ഗ്രാന്റ് കൊടുക്കണമെന്നും ജി സുധാകരൻ പറഞ്ഞു.

Key Words :  Brahmins, G. Sudhakaran