തിരുവനന്തപുരം: മാധ്യമങ്ങളോട് മുഖ്യമന്ത്രി വി.ഡി. സതീശൻ പ്രതികരിക്കുന്നതിന് പുതിയ ക്രമീകരണങ്ങൾ ഏർപ്പെടുത്തി അദ്ദേഹത്തിന്റെ ഓഫിസ് ഉത്തരവിറക്കി...
തിരുവനന്തപുരം: മാധ്യമങ്ങളോട് മുഖ്യമന്ത്രി വി.ഡി. സതീശൻ പ്രതികരിക്കുന്നതിന് പുതിയ ക്രമീകരണങ്ങൾ ഏർപ്പെടുത്തി അദ്ദേഹത്തിന്റെ ഓഫിസ് ഉത്തരവിറക്കി. മുഖ്യമന്ത്രി പങ്കെടുക്കുന്ന പൊതുപരിപാടികളിലും ഔദ്യോഗിക ചടങ്ങുകളിലും ദൃശ്യമാധ്യമങ്ങൾ പ്രതികരണത്തിനായി കൂട്ടത്തോടെ സമീപിക്കുന്ന പശ്ചാത്തലത്തിലാണ് ഈ പുതിയ തീരുമാനം.
ഇനിമുതൽ എല്ലാ ബുധനാഴ്ചകളിലും നടക്കുന്ന മന്ത്രിസഭായോഗത്തിന് ശേഷം മുഖ്യമന്ത്രി മാധ്യമങ്ങളെ കണ്ട് ഔദ്യോഗികമായി കാര്യങ്ങൾ വിശദീകരിക്കും. ഇതുകൂടാതെ അടിയന്തര സാഹചര്യങ്ങളിൽ മാധ്യമങ്ങളോട് പ്രതികരിക്കേണ്ടി വരികയാണെങ്കിൽ, അത് മുൻകൂട്ടി മാധ്യമപ്രവർത്തകരെ അറിയിക്കുമെന്നും മുഖ്യമന്ത്രിയുടെ ഓഫിസ് വ്യക്തമാക്കിയിട്ടുണ്ട്.
മുഖ്യമന്ത്രി എത്തുന്നിടത്തെല്ലാം ദൃശ്യമാധ്യമങ്ങൾ പ്രതികരണത്തിനായി വളയുന്നതും, അദ്ദേഹം പ്രതികരിക്കാതെ പോകുമ്പോൾ അത് വലിയ രീതിയിൽ വാർത്തയാക്കപ്പെടുന്നതും ഒഴിവാക്കാനാണ് പുതിയ ക്രമീകരണമെന്നാണ് സൂചന. എന്നാൽ അപ്രതീക്ഷിതമായ മാധ്യമക്കൂട്ടങ്ങളെ (മീഡിയ റംപിൾ) നിയന്ത്രിക്കാനാണ് ഈ നടപടിയെന്ന് മുഖ്യമന്ത്രിയുമായി അടുത്ത വൃത്തങ്ങൾ അറിയിച്ചു.
COMMENTS