എയർ മാർഷൽ ജിതേന്ദ്ര മിശ്ര അയോധ്യ രാമക്ഷേത്ര ട്രസ്റ്റിന്റെ ആദ്യ സിഇഒ

അയോധ്യ: അയോധ്യ ശ്രീരാമ ജന്മഭൂമി തീർഥക്ഷേത്ര ട്രസ്റ്റിന്റെ ആദ്യത്തെ ചീഫ് എക്സിക്യൂട്ടീവ് ഓഫീസറായി (സിഇഒ) വിരമിച്ച എയർ മാർഷൽ ജിതേന്ദ്ര മിശ്രയെ...

അയോധ്യ: അയോധ്യ ശ്രീരാമ ജന്മഭൂമി തീർഥക്ഷേത്ര ട്രസ്റ്റിന്റെ ആദ്യത്തെ ചീഫ് എക്സിക്യൂട്ടീവ് ഓഫീസറായി (സിഇഒ) വിരമിച്ച എയർ മാർഷൽ ജിതേന്ദ്ര മിശ്രയെ നിയമിച്ചു. ക്ഷേത്ര സമുച്ചയത്തിന്റെ ദൈനംദിന ഭരണവും സാമ്പത്തിക കാര്യങ്ങളും കൂടുതൽ പ്രൊഫഷണലാക്കുന്നതിന്റെ ഭാഗമായാണ് ട്രസ്റ്റ് പുതിയ തസ്തിക രൂപീകരിച്ച് അദ്ദേഹത്തെ ചുമതലപ്പെടുത്തിയത്.

രാജ്യത്തിനകത്തുനിന്നും പുറത്തുനിന്നുമായി ലഭിച്ച 5,585 അപേക്ഷകരിൽ നിന്ന് കടുത്ത മാനദണ്ഡങ്ങൾ പരിശോധിച്ചാണ് ഉന്നതതല സമിതി ജിതേന്ദ്ര മിശ്രയെ തിരഞ്ഞെടുത്തത്. ഇന്ത്യൻ വ്യോമസേനയിൽ 38 വർഷത്തിലേറെ സേവനമനുഷ്ഠിച്ച അദ്ദേഹം വെസ്റ്റേൺ എയർ കമാൻഡ് മേധാവിയായാണ് വിരമിച്ചത്. വ്യോമസേനയുടെ പ്രശസ്തമായ 'ഓപ്പറേഷൻ സിന്ദൂർ' ഉൾപ്പെടെയുള്ള നിരവധി നിർണായക ദൗത്യങ്ങൾക്ക് അദ്ദേഹം നേതൃത്വം നൽകിയിട്ടുണ്ട്.

ക്ഷേത്രത്തിന്റെ ഭരണപരമായ സുതാര്യത ഉറപ്പാക്കുക, ഭക്തർക്കുള്ള സൗകര്യങ്ങൾ വർദ്ധിപ്പിക്കുക, സുരക്ഷാ ക്രമീകരണങ്ങൾ ഏകോപിപ്പിക്കുക എന്നിവയാണ് പുതിയ സിഇഒയുടെ പ്രധാന ചുമതലകൾ. വരും ദിവസങ്ങളിൽ അദ്ദേഹം അയോധ്യയിലെത്തി ഔദ്യോഗികമായി ചുമതലയേൽക്കും.

Key Words : Air Marshal Jitendra Mishra, CEO, Ayodhya Ram Temple Trust