അപൂർവ ആകാശവിരുന്ന്: പെഴ്സിഡ് ഉൽക്കാപ്രവാഹം ഇന്ന് അർദ്ധരാത്രി മുതൽ നിരീക്ഷിക്കാം; ഈ നൂറ്റാണ്ടിലെ ആദ്യ കറുത്ത വാവ് വിസ്മയം

കണ്ണഞ്ചിപ്പിക്കുന്ന ആകാശവിസ്മയമായ പെഴ്സിഡ് ഉൽക്കാപ്രവാഹം (Perseid meteor shower) ഇന്നും നാളെയും (ഓഗസ്റ്റ് 11, 12) പാതിരാത്രിക്ക് ശേഷം വെറുംക...

കണ്ണഞ്ചിപ്പിക്കുന്ന ആകാശവിസ്മയമായ പെഴ്സിഡ് ഉൽക്കാപ്രവാഹം (Perseid meteor shower) ഇന്നും നാളെയും (ഓഗസ്റ്റ് 11, 12) പാതിരാത്രിക്ക് ശേഷം വെറുംകണ്ണാൽ കാണാം. എല്ലാ വർഷവും ഓഗസ്റ്റ് രണ്ടാം വാരത്തിൽ ഈ പ്രതിഭാസം ഉണ്ടാകാറുണ്ടെങ്കിലും, ഇത്തവണത്തെ ഉൽക്കാവർഷം ഏറെ സവിശേഷത നിറഞ്ഞതാണ്.ഈ നൂറ്റാണ്ടിൽ ആദ്യമായാണ് പെഴ്സിഡ് ഉൽക്കാപ്രവാഹം അതിന്റെ പരമാവധിയിൽ എത്തുന്ന ദിവസം കറുത്ത വാവ് (New Moon) ആയി വരുന്നത്. 

ചന്ദ്രപ്രകാശം ഇല്ലാത്തതിനാൽ ആകാശം പൂർണ്ണമായും ഇരുണ്ടിരിക്കുകയും, ഇത് ഉൽക്കാവർഷം കൂടുതൽ തെളിച്ചത്തോടെ കാണാൻ സഹായിക്കുകയും ചെയ്യും.ടെലിസ്കോപ്പ് വേണ്ട, വെറുംകണ്ണാൽ കാണാംഅർദ്ധരാത്രിക്ക് ശേഷം പുലർച്ചെ വരെയുള്ള സമയമാണ് ഉൽക്കാവർഷം കാണാൻ ഏറ്റവും അനുയോജ്യം. ആകാശം മേഘാവൃതമല്ലെങ്കിൽ മണിക്കൂറിൽ 60 മുതൽ 100 വരെ ഉൽക്കകൾ വരെ ആകാശത്ത് പ്രത്യക്ഷപ്പെടാൻ സാധ്യതയുണ്ട്. ഈ അത്ഭുതക്കാഴ്ച കാണാൻ ടെലിസ്കോപ്പോ മറ്റ് പ്രത്യേക ഉപകരണങ്ങളോ ആവശ്യമില്ല.നഗരങ്ങളിലെ കൃത്രിമ വെളിച്ചങ്ങളിൽ നിന്നും മാറി, ഇരുണ്ടതും തുറസ്സായതുമായ സ്ഥലങ്ങളിൽ നിന്നും നോക്കിയാൽ ഉൽക്കാവർഷം കൃത്യമായി ആസ്വദിക്കാൻ സാധിക്കും.

മൊബൈൽ ഫോൺ വെളിച്ചം കുറച്ചുസമയം ഒഴിവാക്കി കണ്ണുകൾ ഇരുട്ടുമായി പൊരുത്തപ്പെടാൻ അനുവദിക്കുന്നത് കാഴ്ച കൂടുതൽ വ്യക്തമാക്കും. മഴമേഘങ്ങൾ പ്രതിസന്ധിയായേക്കാംകേരളത്തിൽ ഇപ്പോൾ മൺസൂൺ സമയമായതിനാൽ ആകാശത്ത് മഴമേഘങ്ങൾ നിറഞ്ഞുനിൽക്കാൻ സാധ്യതയുണ്ട്. അന്തരീക്ഷം മേഘാവൃതമല്ലാത്ത ഭാഗങ്ങളിൽ ഈ കാഴ്ച നന്നായി ആസ്വദിക്കാൻ സാധിക്കും. ശാസ്ത്രപ്രേമികളും ആകാശനിരീക്ഷകരും വലിയ ആവേശത്തോടെയാണ് ഈ അപൂർവ പ്രതിഭാസത്തെ കാത്തിരിക്കുന്നത്.

Key Words :  Perseid meteor shower