ഔദ്യോഗിക വസതിയില്‍ കണക്കില്‍പ്പെടാത്ത പണം ; ഹൈക്കോടതി മുന്‍ ജഡ്ജി യശ്വന്ത് വര്‍മ കുറ്റക്കാരൻ

ന്യൂഡൽഹി : കണക്കില്‍പ്പെടാത്ത പണം ഔദ്യോഗിക വസതിയില്‍ നിന്ന് കണ്ടെത്തിയ സംഭവത്തില്‍ ഹൈക്കോടതി മുന്‍ ജഡ്ജി യശ്വന്ത് വര്‍മ കുറ്റക്കാരനാണെന്ന് അ...

ന്യൂഡൽഹി : കണക്കില്‍പ്പെടാത്ത പണം ഔദ്യോഗിക വസതിയില്‍ നിന്ന് കണ്ടെത്തിയ സംഭവത്തില്‍ ഹൈക്കോടതി മുന്‍ ജഡ്ജി യശ്വന്ത് വര്‍മ കുറ്റക്കാരനാണെന്ന് അന്വേഷണ സമിതി കണ്ടെത്തി.

അന്വേഷണത്തിനായി ലോക്സഭാ സ്പീക്കര്‍ ഓം ബിര്‍ള രൂപവത്കരിച്ച പാനലിന്റേതാണ് കണ്ടെത്തല്‍. ഇന്ന് പാര്‍ലിമെന്റില്‍ അവതരിപ്പിച്ച കമ്മിറ്റി റിപോര്‍ട്ടിലാണ് ഇക്കാര്യം വ്യക്തമാക്കിയിട്ടുള്ളത്.

പണത്തിന്റെ ഉറവിടത്തെ കുറിച്ച്‌ കൃത്യമായി പറയാന്‍ യശ്വന്ത് വര്‍മക്ക് കഴിഞ്ഞിട്ടില്ല. മെറ്റീരിയല്‍ തെളിവുകള്‍ കൃത്യമായി സംരക്ഷിക്കപ്പെട്ടിട്ടുമില്ല. നിയമപരമായ പരിശോധനക്ക് മുമ്പ് തെളിവുകള്‍ നശിപ്പിക്കപ്പെട്ടു. കറന്‍സി നോട്ടുകള്‍ അപ്രത്യക്ഷമായത് എങ്ങനെയെന്നത് സംബന്ധിച്ചും വിശദീകരീക്കാന്‍ യശ്വന്ത് വര്‍മക്ക് സാധിച്ചിട്ടില്ലെന്നും റിപോര്‍ട്ടില്‍ പറയുന്നു. 

യശ്വന്ത് വര്‍മ വ്യക്തിപരമായി പണം നീക്കം ചെയ്തതിന് തെളിവൊന്നും ലഭിച്ചിട്ടില്ല. എന്നാല്‍, അദ്ദേഹത്തിന്റെ മറുപടിയില്‍ ആത്മാര്‍ഥതയോ സുതാര്യതയോ ഉണ്ടായിരുന്നില്ലെന്നും കമ്മിറ്റി നിരീക്ഷിച്ചു.

സംഭവത്തില്‍ അന്നത്തെ സുപ്രീം കോടതി ചീഫ് ജസ്റ്റിസ് സഞ്ജീവ് ഖന്ന ആഭ്യന്തര അന്വേഷണത്തിന് ഉത്തരവിടുകയും യശ്വന്ത് വര്‍മയെ സ്ഥാനത്തുനിന്ന് നീക്കം ചെയ്യാന്‍ ശിപാര്‍ശ നല്‍കുകയും ചെയ്തിരുന്നു.

Key Words :  Judge Yashwant Verma, Found Guilty