അങ്കം മുറുകുന്നു; ഫിഫ റാങ്കിങ്ങിൽ മെസ്സിക്ക് കാലിടറി, ഒന്നാം സ്ഥാനം പിടിച്ചടക്കി എംബപെ

ദോഹ: ലോകകപ്പ് ഫുട്ബോളിലെ ആവേശപ്പോരാട്ടങ്ങൾ തുടരുന്നതിനിടെ കളിക്കാരുടെ പ്രകടന മികവ് വിലയിരുത്തുന്ന ഫിഫ പവർ റാങ്കിങ്ങിൽ മാറ്റം. ഫ്രാൻസിന്റെ സൂ...

ദോഹ: ലോകകപ്പ് ഫുട്ബോളിലെ ആവേശപ്പോരാട്ടങ്ങൾ തുടരുന്നതിനിടെ കളിക്കാരുടെ പ്രകടന മികവ് വിലയിരുത്തുന്ന ഫിഫ പവർ റാങ്കിങ്ങിൽ മാറ്റം. ഫ്രാൻസിന്റെ സൂപ്പർ താരം കിലിയൻ എംബപെ റാങ്കിങ്ങിൽ ഒന്നാം സ്ഥാനത്തെത്തി. കനത്ത പോരാട്ടത്തിനൊടുവിൽ അർജന്റീനൻ ക്യാപ്റ്റൻ ലയണൽ മെസ്സി മൂന്നാം സ്ഥാനത്തേക്ക് പിന്തള്ളപ്പെട്ടു. 

ടൂർണമെന്റിലെ കളിക്കാരുടെ വ്യക്തിഗത പ്രകടനങ്ങൾ തത്സമയം വിലയിരുത്താൻ ഫിഫ പുതുതായി അവതരിപ്പിച്ച 'അരാംകോ പവർ റാങ്കിങ്' പ്രകാരമാണിത്. ലോകകപ്പിൽ ഇതുവരെ ആറ് ഗോളുകളും രണ്ട് അസിസ്റ്റുകളുമായി തകർപ്പൻ ഫോമിലുള്ള എംബപെ 8.97 അറ്റാക്കിങ് റേറ്റിങ്ങോടെയാണ് ഒന്നാമതെത്തിയത്. ക്വാർട്ടർ ഫൈനലിൽ നോർവേക്കെതിരെ ഇരട്ട ഗോളുകൾ നേടി തിളങ്ങിയ ഇംഗ്ലണ്ടിന്റെ ജൂഡ് ബെല്ലിങ്ഹാമാണ് (8.25 റേറ്റിങ്) രണ്ടാമത്.സ്വിറ്റ്‌സർലൻഡിനെതിരെയുള്ള ക്വാർട്ടർ ഫൈനൽ മത്സരത്തിൽ ഗോൾ നേടാൻ കഴിയാതെ പോയതാണ് മെസ്സിക്ക് തിരിച്ചടിയായത്. 

നിലവിൽ 8.07 റേറ്റിങ്ങുമായി മൂന്നാം സ്ഥാനത്താണ് താരം. എങ്കിലും ടൂർണമെന്റിൽ ആകെ 6 ഗോളുകളുമായി മെസ്സിയും മികച്ച ഫോമിൽ തന്നെയാണ്.വ്യക്തിഗത റാങ്കിങ്ങിൽ മാറ്റമുണ്ടായെങ്കിലും, ദേശീയ ടീമുകളുടെ ഔദ്യോഗിക ഫിഫ റാങ്കിങ്ങിൽ ലയണൽ മെസ്സിയുടെ അർജന്റീന തന്നെയാണ് ഇപ്പോഴും ലോകത്ത് ഒന്നാം സ്ഥാനത്ത് തുടരുന്നത്. സ്പെയിൻ രണ്ടാമതും ഫ്രാൻസ് മൂന്നാമതുമാണ്. ലോകകപ്പിലെ വരും മത്സരങ്ങളിലെ പ്രകടനങ്ങൾക്കനുസരിച്ച് ഈ പവർ റാങ്കിങ്ങിൽ ഇനിയും മാറ്റങ്ങളുണ്ടാകും.

Key Words : Lionel Messi, Kiliyan Mbappe, FIFA Rankings