യുറാനസ് സ്റ്റാര്‍ കുപ്പിവെള്ളം കുടിച്ച് ഒമാനില്‍ രണ്ടുപേര്‍ മരിച്ചു, ഇറാനിയന്‍ ബ്രാന്‍ഡിനെ നിരോധിച്ച് ഗള്‍ഫ് രാജ്യങ്ങള്‍

The UAE also imposed a ban on the Uranus Star bottled water brand, following the report of two poisoning deaths in Oman linked to its consumption

ദുബായ് : യുറാനസ് സ്റ്റാര്‍ കുപ്പിവെള്ളം കുടിച്ച് ഒമാനില്‍ രണ്ടുപേര്‍ വിഷബാധയേറ്റ് മരിച്ച സംഭവം റിപ്പോര്‍ട്ട് ചെയ്ത്തിനു പിന്നാലെ യു എ ഇയിലും ഈ ബ്രാന്‍ഡിനു നിരോധനം ഏര്‍പ്പെടുത്തി.

ഇറാനില്‍ നിന്നുള്ള കുപ്പിവെള്ള ബ്രാന്‍ഡാണിത്. ഒമാന്‍ അധികൃതര്‍ നടത്തിയ ലബോറട്ടറി പരിശോധനയില്‍, ഈ ഉല്‍പ്പന്നത്തിന്റെ ചില പാക്കേജുകളില്‍ ദോഷകരമായ വസ്തുക്കളുടെ സാന്നിധ്യം സ്ഥിരീകരിച്ചിരുന്നു. ഒരു റിപ്പോര്‍ട്ടില്‍ ഇത് ആംഫെറ്റാമൈന്‍ ആണെന്ന് കണ്ടെത്തിയതായും പറയുന്നു.

ഈ സംഭവത്തെ തുടര്‍ന്ന് ഒമാന്‍ ഇറാനില്‍ നിന്നുള്ള എല്ലാത്തരം കുപ്പിവെള്ളത്തിന്റെയും ഇറക്കുമതി നിരോധിക്കുകയും യുറാനസ് സ്റ്റാര്‍ കുപ്പിവെള്ളം വിപണിയില്‍ നിന്ന് ഉടന്‍ പിന്‍വലിക്കാന്‍ നിര്‍ദ്ദേശം നല്‍കുകയും ചെയ്തു.

കുവൈത്ത്, ഖത്തര്‍ തുടങ്ങിയ മറ്റ് ഗള്‍ഫ് രാജ്യങ്ങളും ഈ ബ്രാന്‍ഡിന്റെ കുപ്പിവെള്ളം തങ്ങളുടെ വിപണികളില്‍ വില്‍ക്കുന്നില്ലെന്ന് അറിയിക്കുകയും വില്‍പനയ്ക്ക് അനുമതി നല്‍കിയിട്ടില്ലെന്ന് ഉറപ്പാക്കുകയും ചെയ്തു.

യുഎഇ കാലാവസ്ഥാ വ്യതിയാന, പരിസ്ഥിതി മന്ത്രാലയവും യുറാനസ് സ്റ്റാര്‍ കുപ്പിവെള്ളത്തിന് രാജ്യത്ത് ഇറക്കുമതി ചെയ്യാനോ വില്‍ക്കാനോ ഔദ്യോഗികമായി അനുമതി നല്‍കിയിട്ടില്ലെന്ന് സ്ഥിരീകരിക്കുകയും, പൊതുജനങ്ങളോട് ഈ ഉല്‍പ്പന്നം ഒഴിവാക്കാന്‍ ആവശ്യപ്പെടുകയും ചെയ്തിട്ടുണ്ട്.

Summary: The UAE also imposed a ban on the Uranus Star bottled water brand, following the report of two poisoning deaths in Oman linked to its consumption.

This bottled water brand originates from Iran. Laboratory tests conducted by Omani authorities confirmed the presence of harmful substances in some packages of this product. One report also suggests that this substance was identified as Amphetamine.

Following this incident, Oman banned the import of all types of bottled water from Iran and directed the immediate withdrawal of the Uranus Star brand from the market.

Other Gulf countries like Kuwait and Qatar also announced that the brand's water is not sold in their markets and confirmed that no sales permits have been issued for it.