ബേസില് ജോസഫ് എന്റര്ടെയ്ന്മെന്റ്സിന്റെ ബാനറില് ബേസില് ജോസഫും ഡോക്ടര് അനന്തു എന്റര്ടെയ്ന്മെന്റ്സിന്റെ ബാനറില് ഡോക്ടര് അനന്തു എസും ചേ...
ബേസില് ജോസഫ് എന്റര്ടെയ്ന്മെന്റ്സിന്റെ ബാനറില് ബേസില് ജോസഫും ഡോക്ടര് അനന്തു എന്റര്ടെയ്ന്മെന്റ്സിന്റെ ബാനറില് ഡോക്ടര് അനന്തു എസും ചേര്ന്ന് നിര്മിക്കുന്ന 'അതിരടി'യുടെ ടൈറ്റില് ടീസര് പുറത്ത്. ബേസില് ജോസഫ്, ടൊവിനോ തോമസ്, വിനീത് ശ്രീനിവാസന് എന്നിവര് പ്രധാന വേഷങ്ങളിലെത്തുന്ന ചിത്രം ഒരു പക്കാ മാസ്സ് എന്റര്ടെയ്നര് ആയാണ് ഒരുക്കുന്നത്. അരുണ് അനിരുദ്ധന് ആണ് സംവിധാനം.
ബേസില് ജോസഫ് സംവിധാനം ചെയ്ത 'മിന്നല് മുരളി'യുടെ തിരക്കഥാകൃത്തുക്കളില് ഒരാളായ അരുണിന്റെ സംവിധായകനായുള്ള അരങ്ങേറ്റ ചിത്രം കൂടിയാണിത്. ഒക്ടോബര് അവസാനത്തോടെ അതിരടിയുടെ ചിത്രീകരണം തുടങ്ങും. പോള്സണ് സ്കറിയ, അരുണ് അനിരുദ്ധന് എന്നിവര് ചേര്ന്നാണ് തിരക്കഥ. മലയാളത്തിന് പുറമേ തമിഴ്, തെലുങ്ക്,ഹിന്ദി, കന്നഡ ടീസറും പുറത്തിറങ്ങിയിട്ടുണ്ട്. ബേസില് ജോസഫ്, ടൊവിനോ തോമസ്, വിനീത് ശ്രീനിവാസന് എന്നിവര് ആദ്യമായാണ് ഒരുചിത്രത്തില് ഒരുമിച്ചു എത്തുന്നതെന്ന പ്രത്യേകതയും ഇതിനുണ്ട്.
Key Words: Athiradi Teaser, Tovino Thomas, Vineeth Sreenivasan
COMMENTS