'മന്ദാകിനി' എന്ന ചിത്രത്തിന് ശേഷം നടന് അല്ത്താഫ് സലീമും അനാര്ക്കലി മരിക്കാറും വീണ്ടും ഒന്നിക്കുന്ന 'ഇന്നസെന്റ്' സിനിമയുടെ...
'മന്ദാകിനി' എന്ന ചിത്രത്തിന് ശേഷം നടന് അല്ത്താഫ് സലീമും അനാര്ക്കലി മരിക്കാറും വീണ്ടും ഒന്നിക്കുന്ന 'ഇന്നസെന്റ്' സിനിമയുടെ രസകരമായ റിലീസ് അനൗണ്സ്മെന്റ് പോസ്റ്റര് പുറത്ത്.
വിവാഹത്തിന്റെ സേവ് ദ് ഡേറ്റ് മോഡലിലുള്ളതാണ് പോസ്റ്റര്. അല്ത്താഫും നടി അന്ന പ്രസാദുമാണ് പോസ്റ്ററിലുള്ളത്. ചിത്രം നവംബര് ഏഴിനാണ് വേള്ഡ് വൈഡ് റിലീസ്.
സോഷ്യല് മീഡിയ താരം ടാന്സാനിയന് സ്വദേശി കിലി പോള് ആദ്യമായി അഭിനയിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്ററും സെക്കന്ഡ് ലുക്ക് പോസ്റ്ററും മുമ്പ് ശ്രദ്ധ നേടിയിരുന്നതാണ്. ചിത്രം ഒരു ടോട്ടല് ഫണ് റൈഡ് ആണെന്നാണ് അടുത്തിടെ പുറത്തിറങ്ങിയ ട്രെയിലര് തന്നിട്ടുള്ള സൂചന. ഇപ്പോഴിതാ റിലീസ് അനൗണ്സ്മെന്റ് പോസ്റ്ററും ഏവരും ഏറ്റെടുത്തിരിക്കുകയാണ്.
സര്ക്കാര് ഓഫീസിലെ നൂലാമാലകളും മറ്റുമൊക്കെയായി പ്രായഭേദമെന്യേ ചിരിച്ചാഘോഷിച്ച് കാണാന് പറ്റുന്ന ചിത്രമെന്നാണ് ട്രെയിലര് നല്കിയിരിക്കുന്ന സൂചന. ജോമോന് ജ്യോതിര്, അസീസ് നെടുമങ്ങാട്, മിഥുന്, നോബി, അന്ന പ്രസാദ്, ലക്ഷ്മി സഞ്ജു, വിനീത് തട്ടില്, അശ്വിന് വിജയന്, ഉണ്ണി ലാലു തുടങ്ങി നിരവധി താരങ്ങളാണ് ചിത്രത്തില് ഒരുമിക്കുന്നത്.
Key Words: Innocent Movie
COMMENTS