കെ.പി.സി.സി. ജംബോ പട്ടിക പ്രഖ്യാപിച്ചു; 13 വൈസ് പ്രസിഡന്റുമാര്‍, 58 ജനറല്‍ സെക്രട്ടറിമാര്‍

The Kerala Pradesh Congress Committee (KPCC) has been reorganized. Ending long discussions and uncertainty, the All India Congress Committee (AICC)

ന്യൂഡല്‍ഹി : കേരള പ്രദേശ് കോണ്‍ഗ്രസ് കമ്മിറ്റി (കെ.പി.സി.സി) പുനഃസംഘടിപ്പിച്ചു. നീണ്ട ചര്‍ച്ചകള്‍ക്കും അനിശ്ചിതത്വങ്ങള്‍ക്കും ഒടുവില്‍, 13 വൈസ് പ്രസിഡന്റുമാരെയും 58 ജനറല്‍ സെക്രട്ടറിമാരെയും ഉള്‍പ്പെടുത്തിക്കൊണ്ടുള്ള ജംബോ ഭാരവാഹി പട്ടിക അഖിലേന്ത്യാ കോണ്‍ഗ്രസ് കമ്മിറ്റി (എ.ഐ.സി.സി.) നേതൃത്വം പുറത്തുവിട്ടു.

സംഘടന ജനറല്‍ സെക്രട്ടറി സ്ഥാനത്ത് നിന്ന് മാറ്റിയ എം. ലിജുവിനെ വൈസ് പ്രസിഡന്റായി നിയമിച്ചു. വി.എ. നാരായണനാണ് പുതിയ കെ.പി.സി.സി. ട്രഷറര്‍. തിരുവനന്തപുരം ഡി.സി.സി. അധ്യക്ഷ സ്ഥാനം രാജിവെച്ച പാലോട് രവിയെയും കെ.പി.സി.സി. വൈസ് പ്രസിഡന്റാക്കി. ബി.ജെ.പി. വിട്ട് കോണ്‍ഗ്രസില്‍ ചേര്‍ന്ന സന്ദീപ് വാര്യര്‍ ജനറല്‍ സെക്രട്ടറിമാരുടെ പട്ടികയില്‍ ഇടം നേടി.

പ്രധാന പദവികളും നിയമനങ്ങളും:

വൈസ് പ്രസിഡന്റുമാര്‍: 13 പേര്‍.

പാലോട് രവി, ടി. ശരത്ചന്ദ്ര പ്രസാദ്, ഹൈബി ഈഡന്‍, വി.ടി. ബല്‍റാം, വി.പി. സജീന്ദ്രന്‍, മാത്യു കുഴല്‍നാടന്‍, ഡി. സുഗതന്‍, രമ്യാ ഹരിദാസ്, എം. ലിജു, എ.എ. ഷുക്കൂര്‍, എം. വിന്‍സന്റ്, റോയ് കെ. പൗലോസ്, ജയ്സണ്‍ ജോസഫ് എന്നിവരാണ് വൈസ് പ്രസിഡന്റുമാരുടെ പട്ടികയില്‍ ഉള്‍പ്പെട്ട പ്രമുഖര്‍.

ജനറല്‍ സെക്രട്ടറിമാര്‍: 58 പേര്‍.

രാഷ്ട്രീയകാര്യ സമിതി : ആറ് പുതിയ അംഗങ്ങളെക്കൂടി ഉള്‍പ്പെടുത്തി സമിതി വിപുലീകരിച്ചു. രാജ്മോഹന്‍ ഉണ്ണിത്താന്‍, വി.കെ. ശ്രീകണ്ഠന്‍, ഡീന്‍ കുര്യാക്കോസ്, പന്തളം സുധാകരന്‍, എ.കെ. മണി, സി.പി. മുഹമ്മദ് എന്നിവരെയാണ് രാഷ്ട്രീയകാര്യ സമിതിയില്‍ പുതുതായി ഉള്‍പ്പെടുത്തിയത്.

കെ.പി.സി.സി. സെക്രട്ടറിമാരുടെ പട്ടിക ഈ ഘട്ടത്തില്‍ പ്രഖ്യാപിച്ചിട്ടില്ല എന്നതും ശ്രദ്ധേയമാണ്.

Summary: The Kerala Pradesh Congress Committee (KPCC) has been reorganized. Ending long discussions and uncertainty, the All India Congress Committee (AICC) leadership released the jumbo list of office-bearers, which includes 13 Vice Presidents and 58 General Secretaries.

M. Liju, who was removed from the post of Organization General Secretary, has been appointed as a Vice President. Palode Ravi, who resigned from the post of Thiruvananthapuram DCC President, has also been made a KPCC Vice President. Sandeep Warrier, who quit the BJP to join the Congress, found a place in the list of General Secretaries.