കോൺഗ്രസ് പാർട്ടി കേരളത്തിൽ ഇലക്ഷൻ വാർഹൂം രൂപീകരിച്ചു, ഹർഷ കനാദം ചെയർമാൻ

  തിരുവനന്തപുരം: കേരളത്തിലെ നിയമസഭാ തിരഞ്ഞെടുപ്പ് മുന്നിൽ കണ്ട് കോൺഗ്രസ് പാർട്ടി കേരളത്തിൽ വാർ റൂം രൂപീകരിച്ചു. എഐസിസി നിയോഗിച്ച ഹർഷ കനാദം ആ...

 

തിരുവനന്തപുരം: കേരളത്തിലെ നിയമസഭാ തിരഞ്ഞെടുപ്പ് മുന്നിൽ കണ്ട് കോൺഗ്രസ് പാർട്ടി കേരളത്തിൽ വാർ റൂം രൂപീകരിച്ചു. എഐസിസി നിയോഗിച്ച ഹർഷ കനാദം ആണ് കേരളത്തിലെ വാർ റൂമിന്റെ ചെയർമാൻ.

എഐസിസിയുടെ നിർദ്ദേശപ്രകാരമാണ് ഈ വാർ റൂം സജ്ജമാക്കുന്നത്. തിരഞ്ഞെടുപ്പ് തന്ത്രങ്ങൾ ആവിഷ്കരിക്കുന്നതിനും താഴേത്തട്ടിലുള്ള പ്രവർത്തനങ്ങൾ ഏകോപിപ്പിക്കുന്നതിനും വേണ്ടിയാണ് ഇതിന് രൂപം നൽകിയിരിക്കുന്നത്.

 കർണാടക ഉപമുഖ്യമന്ത്രി ഡി.കെ. ശിവകുമാറിന്റെ വിശ്വസ്തനാണ് ഹർഷ കനാദം. കർണാടകയിൽ കോൺഗ്രസ് നേടിയ വിജയത്തിൽ ഹർഷയുടെ പങ്ക് വലുതായിരുന്നു.

സംസ്ഥാന ഘടകങ്ങളുടെ റിപ്പോർട്ടുകൾക്കൊപ്പം, വാർ റൂമിൽ നിന്നുള്ള റിപ്പോർട്ടുകൾ കൂടി പരിഗണിച്ച് തിരഞ്ഞെടുപ്പ് തന്ത്രങ്ങൾ ആവിഷ്കരിക്കുക.

കീഴ്ഘടകങ്ങളിലെ മുഴുവൻ പ്രവർത്തനങ്ങളും തത്സമയം അറിയാനും നിരീക്ഷിക്കാനുമുള്ള സംവിധാനം ഒരുക്കുക.

മുമ്പ് ലോക്സഭാ തിരഞ്ഞെടുപ്പുകളിലും വാർ റൂം സജ്ജമാക്കിയിരുന്നു. തിരുവനന്തപുരം ഇന്ദിരാ ഭവനിലാണ് സംസ്ഥാന തലത്തിലുള്ള വാർ റൂം പ്രവർത്തിച്ചിരുന്നത്.

തിരഞ്ഞെടുപ്പുമായി ബന്ധപ്പെട്ട മാധ്യമ ഏകോപനം, രാഷ്ട്രീയ സന്ദേശങ്ങൾ രൂപപ്പെടുത്തൽ, നിയമ സഹായം, പ്രവർത്തകർക്ക് പരിശീലനം, നയ ഗവേഷണം തുടങ്ങിയവയെല്ലാം വാർ റൂമിന്റെ ചുമതലയിൽ വരും.

ഓരോ മണ്ഡലത്തിലും ബൂത്ത് തലം വരെയുള്ള വിവരങ്ങൾ ശേഖരിച്ച് ഡാറ്റാ അനാലിസിസ് നടത്താനും അതനുസരിച്ച് പ്രചാരണ തന്ത്രങ്ങൾ മെനയാനും വാർ റൂം സഹായിക്കും.

മുൻ ലോക്സഭാ തിരഞ്ഞെടുപ്പിന് മുന്നോടിയായി എഐസിസി നിർദ്ദേശപ്രകാരം വാർ റൂം രൂപീകരിച്ചിരുന്നു. അന്ന് മുൻ ഐഎഎസ് ഉദ്യോഗസ്ഥനായ ശശികാന്ത് സെന്തിൽ എസ്. ആയിരുന്നു ദേശീയ വാർ റൂമിന്റെ ചെയർമാൻ.

അന്ന് കെപിസിസി പൊളിറ്റിക്കൽ അഫയേഴ്‌സ് കമ്മിറ്റി അംഗം എം. ലിജുവിനായിരുന്നു സംസ്ഥാന വാർ റൂമിന്റെ ചുമതല.

നിലവിൽ, നിയമസഭാ തിരഞ്ഞെടുപ്പിന്റെ പശ്ചാത്തലത്തിൽ പുതിയ നേതൃത്വത്തിന് കീഴിൽ വാർ റൂം സജീവമാവുകയാണ്. സംസ്ഥാന രാഷ്ട്രീയത്തിലെ വിവരങ്ങൾ കേന്ദ്ര നേതൃത്വത്തിന് കൃത്യമായി എത്തിക്കുന്നതിലും തിരഞ്ഞെടുപ്പ് തന്ത്രങ്ങൾക്ക് ദിശാബോധം നൽകുന്നതിലും ഈ വാർ റൂം നിർണായക പങ്ക് വഹിക്കുമെന്നാണ് കോൺഗ്രസ് നേതൃത്വം കരുതുന്നത്.

Summary: The Congress party has formed a war room in Kerala ahead of the state assembly elections. Harsha Kanadam, appointed by the AICC, is the chairman of the war room in Kerala.