തിരുവനന്തപുരം : എംഎല്എ ഹോസ്റ്റലില് നിന്ന് നിയമസഭാ മന്ദിരത്തിലേക്ക് പോകുന്നതിനിടെ രാഹുല് മാങ്കൂട്ടത്തിലിന്റെ കാര് തടഞ്ഞ് എസ്എഫ്ഐ പ്രവര...
തിരുവനന്തപുരം : എംഎല്എ ഹോസ്റ്റലില് നിന്ന് നിയമസഭാ മന്ദിരത്തിലേക്ക് പോകുന്നതിനിടെ രാഹുല് മാങ്കൂട്ടത്തിലിന്റെ കാര് തടഞ്ഞ് എസ്എഫ്ഐ പ്രവര്ത്തകരുടെ പ്രതിഷേധം. നിയമസഭ സമ്മേളനത്തില് പങ്കെടുത്ത് എംഎല്എ ഹോസ്റ്റലില് എത്തിയശേഷം വീണ്ടും തിരിച്ച് നിയമസഭ മന്ദിരത്തിലേക്ക് പോകാൻ ഒരുങ്ങുന്നതിനിടെയാണ് പ്രവര്ത്തകര് റോഡില് കുത്തിയിരുന്ന് വാഹനം തടഞ്ഞത്. എംഎല്എ ഹോസ്റ്റലിന് സമീപത്ത് വെച്ചാണ് സംഭവം. ഏറെ നേരം പ്രതിഷേധം തുടര്ന്നു.
പ്രതിഷേധിക്കുമ്പോഴും രാഹുല് കാറില് നിന്ന് പുറത്തിറങ്ങിയില്ല. തുടര്ന്ന് പൊലീസെത്തി എസ്എഫ്ഐ പ്രവര്ത്തകരെ അറസ്റ്റ് ചെയ്ത് നീക്കുകയായിരുന്നു. ഞങ്ങള് ഇവിടെയൊക്കെ തന്നെയുണ്ടെന്നും അക്രമിക്കാൻ വന്നതല്ലെന്നും പ്രതിഷേധിക്കാനാണ് എത്തിയതെന്നും എസ്എഫ്ഐ നേതാക്കള് പറഞ്ഞു. നിയമസഭയിലേക്ക് പോവുകയാണെന്നും അവിടെ വെച്ച് പ്രതികരിക്കാമെന്നും രാഹുല് മാങ്കൂട്ടത്തില് പറഞ്ഞു.
Key Words : SFI Protest, Rahul Mangkootatil
COMMENTS