കന്നിമാസ പൂജകൾക്കായി ശബരിമല നട തുറന്നു ; ഭഗവാനെ വണങ്ങി ആയിരങ്ങൾ

ശബരിമല: കന്നിമാസ പൂജകൾക്കായി  ശബരിമല നട തുറന്നു. വൈകിട്ട് അഞ്ചിന്  തന്ത്രി  കണ്ഠര് മഹേഷ് മോഹനരുടെ സാന്നിധ്യത്തിൽ മേൽശാന്തി അരുൺ കുമാർ നമ്പൂത...

ശബരിമല: കന്നിമാസ പൂജകൾക്കായി  ശബരിമല നട തുറന്നു. വൈകിട്ട് അഞ്ചിന്  തന്ത്രി  കണ്ഠര് മഹേഷ് മോഹനരുടെ സാന്നിധ്യത്തിൽ മേൽശാന്തി അരുൺ കുമാർ നമ്പൂതിരി നട തുറന്ന് ദീപം തെളിയിച്ചു.  ആയിരക്കണക്കിന്    അയ്യപ്പ ഭക്തരാണ്  ഭസ്മാഭിഷിക്തനായ  ഭഗവാനെ  വണങ്ങാൻ  കാത്തു നിന്നത്.  നട തുറന്ന ശേഷം  പതിനെട്ടാം പടിക്ക് താഴെ   ആഴിയിൽ അഗ്നി  പകർന്നു. കന്നി മാസം ഒന്നിന്  രാവിലെ അഞ്ചു മണിക്ക് ദർശനത്തിനായി നട തുറക്കും. കന്നിമാസ പൂജകൾ പൂർത്തിയാക്കി സെപ്റ്റംബർ 21 രാത്രി 10 മണിക്കാണ് നട അടയ്ക്കുക. 

തിരുവിതാംകൂർ ദേവസ്വം ബോർഡിന്റെ പ്ലാറ്റിനം ജൂബിലി  ആഘോഷങ്ങളുമായി ബന്ധപ്പെട്ട് സംഘടിപ്പിക്കുന്ന ആഗോള അയ്യപ്പ സംഗമം സെപ്റ്റംബർ 20ന് പമ്പയിൽ നടക്കും. മുഖ്യമന്ത്രി പിണറായി വിജയൻ  20 ന് രാവിലെ 10.30 ന് ആഗോള അയ്യപ്പ സംഗമം ഉദ്ഘാടനം ചെയ്യും. ലോകത്തിന്റെ വിവിധ ഭാഗങ്ങളിൽ നന്നായി  മൂവായിരത്തിലേറെ  അയ്യപ്പ ഭക്തർ ആഗോള അയ്യപ്പ സംഗമത്തിൽ പങ്കെടുക്കും.

Key Words: Sabarimala Temple, Kannimasa Pujas