Kalyani Priyadarshan has become the first Malayalam actress to enter the Rs 200 crore club. Kalyani has scripted history with her new film, 'Lokah'
200 കോടി ക്ലബ്ബില് ഇടം നേടുന്ന ആദ്യത്തെ മലയാള നായികയായി കല്യാണി പ്രിയദര്ശന്. പുതിയ ചിത്രമായ 'ലോകാ ചാപ്റ്റര് 1: ചന്ദ്ര'യിലൂടെ കല്യാണി ചരിത്രം സൃഷ്ടിച്ചിരിക്കുകയാണ്.
ഡൊമിനിക് അരുണ് സംവിധാനം ചെയ്ത ചിത്രം ആകര്ഷകമായ കഥാതന്തുവും മികച്ച പ്രകടനങ്ങളും കൊണ്ട് ശ്രദ്ധ നേടി. 13 ദിവസം കൊണ്ടാണ് ചിത്രം ആഗോളതലത്തില് 202 കോടി രൂപ നേടിയത്.
നേട്ടത്തില് സന്തോഷമറിയിച്ച് കല്യാണി ഒരു ബോക്സ് ഓഫീസ് പോസ്റ്ററും മറ്റ് ചിത്രങ്ങളും ഇന്സ്റ്റാഗ്രാമില് പങ്കുവച്ചു. അടിക്കുറിപ്പില് അവര് ഇങ്ങനെ കുറിച്ചു, 'നിങ്ങള് പ്രേക്ഷകര് കാരണം മാത്രമാണ് ഇന്നലെ ഞങ്ങളുടെ സിനിമ ഈ നേട്ടത്തിലെത്തിയത്. എനിക്ക് വാക്കുകളില്ല, ഈ സിനിമയ്ക്ക് ലഭിക്കുന്ന സ്നേഹത്തിന് ഞാന് അതിയായ നന്ദിയുള്ളവളാണ്. ഞങ്ങളുടെ ഇന്ഡസ്ട്രിയില്, ഉള്ളടക്കമാണ് എന്നും രാജാവ്, എല്ലാറ്റിലും വലിയ താരം - നിങ്ങള് അത് വീണ്ടും ഞങ്ങള്ക്ക് തെളിയിച്ചു തന്നു. കാഴ്ചപ്പാടുള്ള കഥകള്ക്ക് എന്നും നിങ്ങളുടെ അടുത്ത് സ്ഥാനം കണ്ടെത്താന് കഴിയുമെന്ന് കാണിക്കാന് ഞങ്ങള്ക്ക് അവസരം നല്കിയതിന് നന്ദി.'
സംവിധായകന് ഡൊമിനിക് അരുണിനെയും കല്യാണി പ്രശംസിക്കുന്നുണ്ട്. 'ഞങ്ങള്ക്ക് പൂര്ണ്ണ മനസ്സോടെ വിശ്വസിക്കാന് കഴിയുന്ന ഒരു കാഴ്ചപ്പാട് നല്കിയതിന് നന്ദി. ഞങ്ങള്ക്ക് ഉണ്ടായിരുന്നതെല്ലാം നല്കാന്, ഞങ്ങള് ആവേശഭരിതരാകാന്, കാരണം നിങ്ങളാണ് - നിങ്ങളില്ലായിരുന്നെങ്കില് ഇതിലൊന്നും സാധ്യമാകുമായിരുന്നില്ലെന്ന് നിസ്സംശയം പറയാം. ഏറ്റവും മികച്ച അഭിനേതാക്കള്ക്കും അണിയറപ്രവര്ത്തകര്ക്കും...'.
Summary: Kalyani Priyadarshan has become the first Malayalam actress to enter the Rs 200 crore club. Kalyani has scripted history with her new film, 'Lokah Chapter 1: Chandra.'
COMMENTS