ദക്ഷിണ കൊറിയയെ തകര്‍ത്ത് ഇന്ത്യ ഏഷ്യാ കപ്പ് ഹോക്കി കിരീടം ചൂടി, ലോക കപ്പിനും യോഗ്യത ഉറപ്പായി

India beat defending champions South Korea 4-1 to win the Asia Cup Hockey title. Along with this, India also qualified for next year's World Cup

രാജ്ഗിര്‍: നിലവിലെ ചാമ്പ്യന്മാരായ ദക്ഷിണ കൊറിയയെ 4-1 ന് പരാജയപ്പെടുത്തി ഇന്ത്യ ഏഷ്യാ കപ്പ് ഹോക്കി കിരീടം ചൂടി. ഇതോടൊപ്പം അടുത്ത വര്‍ഷത്തെ ലോകകപ്പിനും ഇന്ത്യ യോഗ്യത നേടി.

ദില്‍പ്രീത് സിംഗ് (28, 45 മിനിറ്റ്) ഇരട്ട ഗോളുകള്‍ നേടിയപ്പോള്‍, സുഖ്ജീത് സിംഗ് (ഒന്നാം മിനിറ്റ്), അമിത് രോഹിദാസ് (50) എന്നിവരാണ് ഇന്ത്യയ്ക്കു ജയം സമ്മാനിച്ചത്.

മൂന്ന് വര്‍ഷം മുമ്പ് നേടിയ കിരീടം കാത്തുസൂക്ഷിച്ച ദക്ഷിണ കൊറിയയ്ക്ക് ഇക്കുറി കാലിടറുകയായിരുന്നു.  ഡെയ്ന്‍ സണിലൂടെ (51ാം മിനിറ്റ്) നേടിയ ഏക ഗോളാണ് ചാമ്പ്യന്മാരുടെ ആശ്വാസം.

ജപ്പാനെ 5-0ന് പരാജയപ്പെടുത്തിയാണ് ഇന്ത്യ ഫൈനലില്‍ പ്രവേശിച്ചത്. ഇന്ത്യന്‍ ഗോള്‍കീപ്പര്‍ കൃഷന്‍ ബി. പഥക്കിന്റെ മികച്ച സേവുകളും കളിയില്‍ നിര്‍ണായകമായി.

കിരീട നേട്ടത്തോടൊപ്പം ഇന്ത്യ അടുത്ത വര്‍ഷം നടക്കുന്ന ലോകകപ്പ് ഹോക്കി ടൂര്‍ണമെന്റില്‍ തങ്ങളുടെ സ്ഥാനം ഉറപ്പിച്ചു. ടൂര്‍ണമെന്റില്‍ ഉടനീളം ഇന്ത്യ മികച്ച പ്രകടനമാണ് നടത്തിയത്. 

Summary: India beat defending champions South Korea 4-1 to win the Asia Cup Hockey title. Along with this, India also qualified for next year's World Cup.