Bomb threat to Ganesh festival in Mumbai: 14 Pak terrorists with 400 kg of RDX in the city, threat to bomb 36 vehicles
മുംബയ്: ഗണേശോത്സവം അതിന്റെ പാരമ്യത്തിലെത്തി നില്ക്കുമ്പോള്, മുംബയ് നഗരം കനത്ത സുരക്ഷാ വലയത്തില്. ഗണേശ വിഗ്രഹ നിമജ്ജനത്തിന് മണിക്കൂറുകള് മാത്രം ബാക്കി നില്ക്കെ, മുംബയില് ബോംബ് ഭീഷണി സന്ദേശം ലഭിച്ചത് നഗരത്തെ അതീവ ജാഗ്രതയിലാക്കി. നാളെ അനന്ത ചതുര്ത്ഥി ആഘോഷത്തോടെയാണ് ഗണേശോത്സവത്തിനു പരിസമാപ്തിയാവുക.
മുംബയ് ട്രാഫിക് പൊലീസിന്റെ വാട്സ്ആപ്പ് ഹെല്പ്പ് ലൈനിലേക്കാണ് ഭീഷണി സന്ദേശം ലഭിച്ചത്. ലഷ്കര്-ഇ-ജിഹാദി എന്ന സംഘടനയുടെ പേരിലാണ് സന്ദേശം വന്നത്. 14 പാകിസ്ഥാനി ഭീകരര് 400 കിലോ ആര്ഡിഎക്സുമായി നഗരത്തില് പ്രവേശിച്ചിട്ടുണ്ടെന്നും 34 വാഹനങ്ങളില് ബോംബുകള് സ്ഥാപിച്ചിട്ടുണ്ടെന്നും സന്ദേശത്തില് പറയുന്നു. രാജ്യത്തെ വിറപ്പിക്കാന് ലക്ഷ്യമിട്ടുള്ള സ്ഫോടനങ്ങളാണ് തങ്ങള് ആസൂത്രണം ചെയ്യുന്നതെന്നും സന്ദേശത്തില് ഭീഷണി മുഴക്കി.
സന്ദേശത്തിന്റെ അടിസ്ഥാനത്തില് മുംബയ് പൊലീസ്, ക്രൈംബ്രാഞ്ച്, തീവ്രവാദ വിരുദ്ധ സ്ക്വാഡ് (എടിഎസ്) എന്നിവ സംയുക്തമായി അന്വേഷണം ആരംഭിച്ചു. നഗരത്തിലെ പ്രധാന സ്ഥലങ്ങളിലും ഗണേശ വിഗ്രഹ നിമജ്ജന സ്ഥലങ്ങളിലും സുരക്ഷ കര്ശനമാക്കിയിട്ടുണ്ട്. വാഹന പരിശോധനയും ശക്തമാക്കി.
ഇതേസമയം, ഇതൊഒരു വ്യാജ ഭീഷണിയാണോ എന്നും പൊലീസ് അന്വേഷിക്കുന്നുണ്ട്. മുമ്പും ഇത്തരം വ്യാജ ഭീഷണികള് നഗരത്തില് ഉണ്ടായിട്ടുണ്ട്. എങ്കിലും നിലവിലെ സാഹചര്യത്തില് ഒരു സാധ്യതയും തള്ളിക്കളയാതെയാണ് പൊലീസ് മുന്നോട്ടുപോകുന്നത്. ഈ വര്ഷത്തെ ഗണേശോത്സവത്തിന് മുന്പ് തന്നെ മുംബയ് പൊലീസ് സുരക്ഷാ ക്രമീകരണങ്ങള് ശക്തമാക്കിയിരുന്നു. പതിനായിരക്കണക്കിന് പൊലീസുകാരെയും, ഡ്രോണുകളും, ഡോഗ് സ്ക്വാഡുകളും ഉള്പ്പെടെ വിപുലമായ സുരക്ഷാ സംവിധാനങ്ങളാണ് ഒരുക്കിയിരുന്നത്.
ആരാധകര് ആശങ്കപ്പെടേണ്ടതില്ലെന്നും, സംശയകരമായ എന്തെങ്കിലും ശ്രദ്ധയില്പ്പെട്ടാല് പൊലീസിനെ അറിയിക്കണമെന്നും അധികൃതര് ജനങ്ങളോട് അഭ്യര്ത്ഥിച്ചു.
Summary: Bomb threat to Ganesh festival in Mumbai: 14 Pak terrorists with 400 kg of RDX in the city, threat to bomb 36 vehicles. Police are also investigating if this is a fake threat. There have been such fake threats in the city before.
COMMENTS