കോഴിക്കോട് മെഡിക്കല്‍ കോളേജിലെ തീപിടുത്തം: മൂന്നുപേരുടെ മരണം പുക ശ്വസിച്ചല്ലെന്ന് പോസ്റ്റ്‌മോര്‍ട്ടം റിപ്പോര്‍ട്ട്

കോഴിക്കോട് : സര്‍ക്കാര്‍ മെഡിക്കല്‍ കോളജ് ആശുപത്രി അത്യാഹിത വിഭാഗത്തിലെ തീപിടിത്തത്തിനിടെ ചികിത്സയിലിരുന്ന നാലുപേര്‍ മരിച്ച സംഭവത്തില്‍ മൂന്...

കോഴിക്കോട് : സര്‍ക്കാര്‍ മെഡിക്കല്‍ കോളജ് ആശുപത്രി അത്യാഹിത വിഭാഗത്തിലെ തീപിടിത്തത്തിനിടെ ചികിത്സയിലിരുന്ന നാലുപേര്‍ മരിച്ച സംഭവത്തില്‍ മൂന്നുപേരുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്. ഇവരുടെ മരണത്തില്‍ അസ്വാഭാവികതയില്ലെന്നും മരണം പുക ശ്വസിച്ചല്ലെന്നുമാണ് പ്രാഥമിക പോസ്റ്റ്‌മോര്‍ട്ടം റിപ്പോര്‍ട്ട്. 

ഗോപാലന്‍, സുരേന്ദ്രന്‍, ഗംഗാധരന്‍ എന്നിവരുടെ മരണമാണ് തീപിടുത്തത്തെത്തുടര്‍ന്നുണ്ടായ പുക ശ്വസിച്ചല്ലെന്ന് പോസ്റ്റ്‌മോര്‍ട്ടം റിപ്പോര്‍ട്ട് വ്യക്തമാക്കുന്നത്. 

കാന്‍സര്‍, ലിവര്‍ സിറോസിസ്, ന്യുമോണിയ എന്നീ രോഗങ്ങള്‍ക്ക് ആശുപത്രിയില്‍ ഗുരുതരാവസ്ഥയില്‍ പ്രവേശിപ്പിക്കപ്പെട്ടവരാണിവര്‍. 

അതേസമയം, ആന്തരികാവയവങ്ങള്‍ കൂടുതല്‍ പരിശോധനയ്ക്കായി അയക്കും. ഇവരെക്കൂടാതെ ഏകദേശം അതേ സമയത്ത് മരണപ്പെട്ട മറ്റ് രണ്ടുപേരുടെ പോസ്റ്റ്‌മോര്‍ട്ടം റിപ്പോര്‍ട്ടുകൂടി പുറത്തുവരാനുണ്ട്. ഇവരില്‍ ഒരാള്‍ വിഷം കഴിച്ചതിനെ തുടര്‍ന്നു ചികിത്സയിലായിരുന്നു. മറ്റൊരാള്‍ തൂങ്ങിമരിക്കാന്‍ ശ്രമിച്ചതിനു പിന്നാലെ ആശുപത്രിയിലെത്തിയതായിരുന്നു. 

Key Words: Kozhikode Medical College Fire, Postmortem Report