താനൂരിൽനിന്ന് കാണാതായ രണ്ട് പ്ലസ്ട‌ു വിദ്യാർഥിനികളും മുംബൈ പനവേലിൽ എത്തിയതായി പോലീസ് കണ്ടെത്തി

 താനൂരിൽനിന്ന് കാണാതായ രണ്ട് പ്ലസ്ട‌ു വിദ്യാർഥിനികളും മുംബൈ പനവേലിൽ എത്തിയതായി പോലീസ് കണ്ടെത്തി. ഒരു യുവാവിനൊപ്പം മുംബൈ പനവേലിലെ ബ്യൂട്ടിപാർ...

 താനൂരിൽനിന്ന് കാണാതായ രണ്ട് പ്ലസ്ട‌ു വിദ്യാർഥിനികളും മുംബൈ പനവേലിൽ എത്തിയതായി പോലീസ് കണ്ടെത്തി. ഒരു യുവാവിനൊപ്പം മുംബൈ പനവേലിലെ ബ്യൂട്ടിപാർലറിൽ പെൺകുട്ടികൾ എത്തിയതിന്റെയും ഇവിടെനിന്ന് മുടി ട്രിം ചെയ്യുന്നതിന്റെയും ദൃശ്യങ്ങളും പോലീസ് കണ്ടെത്തി. 

നിലവിൽ ഇവർ മുംബൈ സി.എസ്.ടി. റെയിൽവേ സ്റ്റേഷൻ ഭാഗത്തേക്ക് പോയിക്കൊണ്ടിരിക്കുകയാണെന്നാണ് സൂചന. ഇവരെ കണ്ടെത്താനായി മുംബൈ പോലീസുമായി ചേർന്ന് പോലീസ് അന്വേഷണം ഊർജിതമാക്കിയിട്ടുണ്ട്.

എടവണ്ണ സ്വദേശിയായ യുവാവിനൊപ്പമാണ് രണ്ട് പെൺകുട്ടികളും മുംബൈയിലെത്തിയതെന്നാണ് വിവരം. 23 വയസുള്ള മുഹമദ് അസ്ലാം എന്ന യുവാവാണ് കൂടെ ഉള്ളത്. കേരളത്തിൽ നിന്നും പോയപ്പോൾ കോഴിക്കോടു നിന്നാണ് ഇയ്യാൾ ട്രെയിനിൽ നിന്നും കയറിയത്.

കാണാതാകുന്നതിന് മുൻപ് ഇയാൾ രണ്ട് പെൺകുട്ടികളുടെയും മൊബൈൽഫോണുകളിലേക്ക് വിളിച്ചിരുന്നു. ഇയാളുടെ ടവർ ലൊക്കേഷൻ മുംബൈയിലാണെന്നും പോലീസ് നേരത്തെ കണ്ടെത്തിയിരുന്നു. ഇതിനുപിന്നാലെയാണ് പെൺകുട്ടികളും മുംബൈയിലെത്തിയതായി പോലീസ് സ്ഥിരീകരിക്കുന്നത്.

Key words : Police, Missing Girls