തിരുവനന്തപുരം : മുതിര്‍ന്ന സി.പി.ഐ നേതാവ് കെ.ഇ ഇസ്മയിലിനെ സസ്‌പെന്‍ഡ് ചെയ്യും. സി.പി.ഐ നേതാവ് പി. രാജുവിന്റെ മരണത്തിന് പിന്നാലെ നടത്തിയ പ്രസ...
തിരുവനന്തപുരം : മുതിര്‍ന്ന സി.പി.ഐ നേതാവ് കെ.ഇ ഇസ്മയിലിനെ സസ്‌പെന്‍ഡ് ചെയ്യും. സി.പി.ഐ നേതാവ് പി. രാജുവിന്റെ മരണത്തിന് പിന്നാലെ നടത്തിയ പ്രസ്താവനയിലാണ് നടപടി. ആറ് മാസത്തേക്ക് സസ്‌പെന്‍ഡ് ചെയ്യണമെന്നാണ് സി.പി.ഐ എസ്‌ക്യൂട്ടിവിന്റെ ശുപാര്‍ശ. സി.പി.ഐ എക്‌സിക്യൂട്ടീവ് തീരുമാനം സംസ്ഥാന കൗണ്‍സിലിനെ അറിയിക്കും.
പാര്‍ട്ടി നടപടിയില്‍ ഇപ്പോള്‍ പ്രതികരിക്കാനില്ലെന്ന് കെ ഇ ഇസ്മയില്‍ പറഞ്ഞു. മുന്‍ ദേശീയ എക്‌സിക്യൂട്ടീവ് അംഗമായ ഇസ്മയില്‍ നിലവില്‍ പാലക്കാട് ജില്ലാ കൗണ്‍സിലിലെ ക്ഷണിതാവാണ്.
പി. രാജുവിന്റെ മരണത്തിന് പിന്നാലെ കെ.ഇ ഇസ്മയില്‍ നല്‍കിയ പ്രതികരണത്തിന് പിന്നാലെ സി പി ഐ എറണാകുളം ജില്ലാ കമ്മിറ്റി പരാതി നല്‍കിയിരുന്നു. പി രാജുവിന് പാര്‍ട്ടി നടപടിയില്‍ വിഷമമുണ്ടായിരുന്നുവെന്നായിരുന്നു കെ ഇ ഇസ്മായിലിന്റെ പ്രതികരണം. സാമ്പത്തിക തിരിമറി നടത്തി എന്ന ആരോപണത്തിലാണ് പി രാജു സംഘടനാ നടപടിക്ക് വിധേയനായത്.
എന്നാല്‍ അദ്ദേഹം കുറ്റക്കാരനല്ലെന്ന് കണ്ടെത്തിയിട്ടും പാര്‍ട്ടി നടപടി പിന്‍വലിച്ചല്ല. ഇക്കാര്യം പാര്‍ട്ടി പരിശോധിക്കുമെന്ന് പ്രതീക്ഷയുണ്ടെന്നും അന്ന് നല്‍കിയ പ്രതികരണത്തില്‍ കെ ഇ ഇസ്മയില്‍ പറഞ്ഞിരുന്നു.
COMMENTS