തിരുവനന്തപുരം : കേരളത്തിലെ കിഫ്ബി നിര്മ്മിച്ച റോഡുകളില് ടോള് ഏര്പ്പെടുത്താനുള്ള സര്ക്കാരിന്റെ നീക്കങ്ങള് എന്ത് വിലകൊടുത്തും ചെറുക്കുമെ...
തിരുവനന്തപുരം : കേരളത്തിലെ കിഫ്ബി നിര്മ്മിച്ച റോഡുകളില് ടോള് ഏര്പ്പെടുത്താനുള്ള സര്ക്കാരിന്റെ നീക്കങ്ങള് എന്ത് വിലകൊടുത്തും ചെറുക്കുമെന്ന് കോണ്ഗ്രസ് പ്രവര്ത്തകസമിതി അംഗം രമേശ് ചെന്നിത്തല പറഞ്ഞു.
കിഫ്ബി ഒരു വെള്ളാനയാണ് എന്ന് ഞങ്ങള് പണ്ടേ പറഞ്ഞതാണ്. ഈ പ്രസ്ഥാനം ഇനി ഒരു ശാപമായി മാറരുത്. കേരളത്തില് പണ്ടേ യാത്ര സൗജന്യമാണ്. കാലങ്ങളിലും റോഡുകളിലും ഒന്നും യാത്ര ചെയ്യുന്നതിന് ജനങ്ങള്ക്ക് ടോള് കൊടുക്കേണ്ടിയിരുന്നില്ല.
ടോള് ജനങ്ങള്ക്ക് മേല് അടിച്ചേല്പ്പിക്കാന് ശ്രമിക്കുന്നത് ശരിയല്ല. കിഫ്ബി ഒരു വെള്ളാനയാണ് എന്ന് ഞങ്ങള് പറഞ്ഞപ്പോള് ഞങ്ങളെ പരിഹസിച്ച ആളുകള് ഇപ്പോള് മറുപടി പറയണം. റവന്യൂ ജനറേഷനെ കുറിച്ച് ഞങ്ങള് അന്നേ സൂചിപ്പിച്ചതാണ്. അന്ന് ഇവരാരും മിണ്ടിയില്ല. റവന്യൂ ജനറേഷന് ആവശ്യമായ പദ്ധതികള് രൂപീകരിക്കുകയാണ് വേണ്ടത്. അല്ലാതെ ജനങ്ങളുടെ തലയില് ടോള് അടിച്ചേല്പ്പിക്കുകയല്ല.
വരുമാനം ഉണ്ടാകത്തക്ക പ്രോജക്ടുകളില് മുതല് മുടക്കാന് ഇവര് തയ്യാറാവാത്തത് കൊണ്ടാണ് ഇന്ന് ഈ പ്രതിസന്ധി ഉണ്ടായിരിക്കുന്നത്. വരുമാനം ഉണ്ടാക്കാന് കഴിയുന്ന പദ്ധതികള് അടിയന്തരമായി നടപ്പാക്കണം. ടോള് ഈടാക്കാനുള്ള ഏത് നീക്കത്തിനെതിരെയും വന്പ്രതിഷേധം ഉണ്ടാകും. റവന്യൂ ജനറേഷന് ഉപയോഗ്യമായ പദ്ധതികള് ആവിഷ്കരിച്ചില്ലെങ്കില് കിഫ്ബി നിര്ത്തേണ്ടി ഞങ്ങള് പണ്ടേ പറഞ്ഞതാണ്. സര്ക്കാറിന് വന്ന പാളിച്ച ജനങ്ങളുടെ തലയില് ഒരു ഭാരമായി കയറ്റി വെക്കാന് പാടില്ല. അത് തെറ്റായ രീതിയാണ് - ചെന്നിത്തല പറഞ്ഞു.
Key Words : Ramesh Chennithala, KIIFB
COMMENTS