നൂറു രൂപ പെന്‍ഷന്‍ കൂട്ടാതെ നുറു കാറുകള്‍ വാങ്ങുന്നത് ജനവിരുദ്ധം, ബജറ്റിനെതിരെ കെ സുധാകരന്‍ എം പി.

തിരുവനന്തപുരം :  ബജറ്റ് ജനവിരുദ്ധമെന്ന് കെ പി സി സി പ്രസിഡന്റ് കെ സുധാകരന്‍ എം.പി. നൂറു രൂപ ക്ഷേമ പെന്‍ഷന്‍ കൂട്ടാന്‍ തയാറാകാത്ത മുഖ്യമന്ത്ര...

തിരുവനന്തപുരം :  ബജറ്റ് ജനവിരുദ്ധമെന്ന് കെ പി സി സി പ്രസിഡന്റ് കെ സുധാകരന്‍ എം.പി. നൂറു രൂപ ക്ഷേമ പെന്‍ഷന്‍ കൂട്ടാന്‍ തയാറാകാത്ത മുഖ്യമന്ത്രി പിണറായി വിജയന്‍ പുതിയ 100 കാറുകള്‍ വാങ്ങുന്നത് അങ്ങേയറ്റം ജനവിരുദ്ധമാന്നെന്നും അദ്ദേഹം പ്രതികരിച്ചു.

വലിയ ആശ്വാസ നടപടികളൊക്കെ ഉണ്ടാകുമെന്ന് പ്രചാരണം നടത്തി മലപോലെ വന്ന് എലിപോലെ പോയ ബജറ്റാണിത്. ജനങ്ങളുടെ മേല്‍ അവസാനത്തെ ആണിയും അടിച്ച ശേഷമുള്ള പോക്കാണിത്. ക്ഷേമ പെന്‍ഷന്‍ 2500 രൂപയാക്കുമെന്നു വാഗ്ദാനം ചെയ്ത് അധികാരമേറ്റ പിണറായി സര്‍ക്കാര്‍ 5 വര്‍ഷമായി ഒരു രൂപ പോലും ക്ഷേമ പെന്‍ഷന്‍ കൂട്ടിയില്ല.

ഭൂമി സാധാരണക്കാര്‍ക്ക് ബാധ്യതയായിരിക്കുമ്പോഴാണ് ഭൂനികുതി കുത്തനേ കൂട്ടിയത്. ഇലക്ട്രിക് വാഹനങ്ങളുടെ നികുതി കൂട്ടിയത് കാലാവസ്ഥ വ്യതിയാനത്തെ ചെറുക്കാനുള്ള കേരളത്തിന്റെ ശ്രമങ്ങള്‍ക്ക് തിരിച്ചടിയാണ്. സര്‍ക്കാര്‍ ജീവനക്കാരുടെ ശമ്പള പരിഷ്‌കരണത്തെക്കുറിച്ച് നിശബ്ദത പാലിച്ച് അവരെ വഞ്ചിച്ചു. അവരുടെ പല ആനുകൂല്യങ്ങളും തടഞ്ഞു വച്ചിരിക്കുകയാണ്.

പിണറായി വിജയന്റെ അവസാനത്തെ ബജറ്റാണിത് എന്നതു മാത്രമാണ് ഏക ആശ്വാസം. ഇനിയൊരു ബജറ്റ് അവതരിപ്പിക്കാന്‍ ഇടതുമുന്നണിക്ക് അവസരം നല്കില്ലെന്നു ഉറപ്പിക്കാനുള്ള അവസരം കൂടിയാണിതെന്നു സുധാകരന്‍ ചൂണ്ടിക്കാട്ടി.

Key Words: MP K Sudhakaran, Kerala Budget 2025