തന്റെ നിലപാടുകളാല് മിക്കപ്പോഴും വിവാദങ്ങളില്പ്പെടുന്ന നടിയാണ് എം.പി കൂടിയായ കങ്കണ റണാവത്ത്. ബോളിവുഡ് താരങ്ങളെ കുറിച്ചും സൗന്ദര്യ കാഴ്ചപ്പാ...
തന്റെ നിലപാടുകളാല് മിക്കപ്പോഴും വിവാദങ്ങളില്പ്പെടുന്ന നടിയാണ് എം.പി കൂടിയായ കങ്കണ റണാവത്ത്. ബോളിവുഡ് താരങ്ങളെ കുറിച്ചും സൗന്ദര്യ കാഴ്ചപ്പാടുകളെ കുറിച്ചുമുള്ള കങ്കണയുടെ വാക്കുകളാണ് ഇപ്പോള് ശ്രദ്ധനേടുന്നത്. മുന്കാലങ്ങളില് ദീപിക പദുക്കോണ്, കജോള്, ബിപാഷ ബസു തുടങ്ങിയ ഉരുണ്ട നിറമുള്ള മുന്നിര നായികമാര് നമുക്കുണ്ടായിരുന്നുന്നും, എന്നാല് ഇന്ന് ഇരുണ്ട ചര്മ്മമുള്ള നായകമാര് ഹിന്ദി സിനിമയില് ഇല്ലെന്ന് കങ്കണ ഇന്സ്റ്റഗ്രാമില് കുറിച്ചു.
'മൊണാലിസ എന്ന പെണ്കുട്ടി അവളുടെ സ്വാഭാവിക സൗന്ദര്യത്താല് ഇന്റര്നെറ്റില് സെന്സേഷനായി മാറിയിരിക്കുകയാണ്. ഇന്ന് ഗ്ലാമര് ലോകത്ത് ഇരുണ്ട ഇന്ത്യന് ടോണുള്ള സ്ത്രീകള്ക്ക് പ്രാധാന്യമുണ്ടോ? എനിക്ക് ചിന്തിക്കാതിരിക്കാന് കഴിയുന്നില്ല. അനു അഗര്വാളിനെയോ, കജോളിനെയോ, ബിപാഷയെയോ, ദീപികയെയോ, റാണി മുഖര്ജിയെയോ സ്നേഹിച്ചതുപോലെയാണോ ആളുകള് യുവ നടിമാരെ സ്നേഹിക്കുന്നത്?
ചെറുപ്പത്തില് ഇരുണ്ട നിറമായിരുന്ന നായികമാരടക്കം എല്ലാ നടിമാരും ഇന്ന് വെളുത്ത സ്ത്രീകളെപ്പോലെ വിളറിയിരിക്കുന്നതെന്താണ്? എന്തുകൊണ്ടാണ് ആളുകള് മൊണാലിസയെ തിരിച്ചറിയുന്ന രീതിയില് പുതുമുഖ നായികമാരെ തിരിച്ചറിയാത്തത്? വളരെയധികം ലേസര്, ഗ്ലൂട്ടത്തയോണ് കുത്തിവയ്പ്പുകളാണോ?' കങ്കണ കുറിച്ചു.
കങ്കണയുടെ വാക്കുകള് സോഷ്യല് മീഡിയയില് വലിയൊരു ചര്ച്ചയ്ക്ക് തന്നെ തിരികൊളുത്തിയിട്ടുണ്ട്.
Key Words: Deepika Padukone, Kajol, Bipasha Basu, Kangana Ranaut
COMMENTS