കൊച്ചി: മുന് എംഎല്എ പി വി അന്വറിനെതിരെ വിജിലന്സ് അന്വേഷണം. ആലുവയില് 11 ഏക്കര് ഭൂമി അനധികൃതമായി പോക്കുവരവ് നടത്തി സ്വന്തമാക്കിയെന്നതില്...
കൊച്ചി: മുന് എംഎല്എ പി വി അന്വറിനെതിരെ വിജിലന്സ് അന്വേഷണം. ആലുവയില് 11 ഏക്കര് ഭൂമി അനധികൃതമായി പോക്കുവരവ് നടത്തി സ്വന്തമാക്കിയെന്നതില് പ്രാഥമിക അന്വേഷണം നടത്തിയ വിജിലന്സ് വിശദമായ അന്വേഷണത്തിന് ശുപാര്ശ ചെയ്തു. വിശദ അന്വേഷണത്തിന് സ്പെഷ്യല് ഇന്വസ്റ്റിഗേഷന് തിരുവനന്തപുരം യൂണിറ്റ് രണ്ടിന് ചുമതല നല്കി. ഇത് സംബന്ധിച്ച ഉത്തരവും പുറത്തിറങ്ങിയിട്ടുണ്ട്.
പാട്ട അവകാശം മാത്രമുള്ള ഭൂമി അനധികൃതമായി കൈവശപ്പെടുത്തിയെന്നാണ് പി വി അന്വറിനെതിരായ ആരോപണം. അന്വറിന്റെ ഭാഗത്തുനിന്ന് വീഴ്ചയുണ്ടായെന്നാണ് പ്രാഥമിക അന്വേഷണത്തില് കണ്ടെത്തിയതെന്ന് റിപ്പോര്ട്ടുകളുണ്ട്.
കൊല്ലം സ്വദേശിയായ മുരുകേഷ് നരേന്ദ്രനാണ് പി വി അന്വറിനെതിരെ പരാതി സമര്പ്പിച്ചത്. തടയിണ വിവാദത്തിലും ഇദ്ദേഹം തന്നെയായിരുന്നു പരാതി സമര്പ്പിച്ചിരുന്നത്.
അടുത്ത ദിവസങ്ങളില് തന്നെ ഈ സ്ഥലത്തെത്തി വിജിലന്സ് സംഘം ഭൂമി പരിശോധിക്കുമെന്നാണ് വിവരം. അന്വര് ഇതുവരെ പ്രതികരിച്ചിട്ടില്ല.
Key Words: Vigilance Investigation, PV Anwar
COMMENTS