യാത്രക്കാര്‍ക്ക് സന്തോഷിക്കാം, വന്ദേഭാരത് എക്സ്പ്രസ് ട്രെയിനിന്റെ ബോഗികള്‍ വര്‍ധിപ്പിച്ചു

തിരുവനന്തപുരം:  യാത്രക്കാര്‍ക്ക് പുതുവത്സര സമ്മാനമായി വന്ദേഭാരത് എക്സ്പ്രസ് ട്രെയിനിന്റെ ബോഗികള്‍ വര്‍ധിപ്പിച്ചു. തിരുവനന്തപുരം- കാസര്‍കോട് ...

തിരുവനന്തപുരം:  യാത്രക്കാര്‍ക്ക് പുതുവത്സര സമ്മാനമായി വന്ദേഭാരത് എക്സ്പ്രസ് ട്രെയിനിന്റെ ബോഗികള്‍ വര്‍ധിപ്പിച്ചു. തിരുവനന്തപുരം- കാസര്‍കോട് വന്ദേഭാരത് എക്സ്പ്രസിന്റെ ബോഗികളാണ് കൂട്ടിയത്.

നിലവിലുള്ള 16 എണ്ണത്തില്‍ നിന്ന് 20 ബോഗികളായാണ് വര്‍ധിപ്പിച്ചത്. 18 ചെയര്‍കാര്‍ കോച്ചുകളും രണ്ട് എക്സിക്യുട്ടീവ് ചെയര്‍കാര്‍ കോച്ചുകളുമാകും ഉണ്ടാകുക. നാളെ മുതലാണ് വര്‍ധിപ്പിച്ച ബോഗികളുമായി വന്ദേഭാരത് സര്‍വീസ് ആരംഭിക്കുക.

വന്ദേഭാരത് സ്ലീപ്പര്‍ ട്രെയിനുകളുടെ പുതിയ അപ്ഡേഷനുമായി റെയില്‍വേ മന്ത്രി അശ്വിനി വൈഷ്ണവ് നേരത്തെ രംഗത്തെത്തിയിരുന്നു. വന്ദേഭാരത് സ്ലീപ്പര്‍ വേരിയന്റിന്റെ ആദ്യ പ്രോട്ടോടൈപ്പിന്റെ നിര്‍മ്മാണം പൂര്‍ത്തിയായെന്നും ഉടന്‍ തന്നെ പരീക്ഷണ ഓട്ടം ആരംഭിക്കുമെന്നും മന്ത്രി അറിയിച്ചു.

Key Words: Bogies, Vandebharat Express Train