പി.വി അന്‍വറിന്റെ അറസ്റ്റ് ഭരണ കൂട ഭീകരത: രമേശ് ചെന്നിത്തല

തിരുവനന്തപുരം: വന നിയമ പ്രശ്‌നവുമായി ബന്ധപ്പെട്ട് പി വി അന്‍വറിനെ രാത്രി വീടു വളഞ്ഞ് അറസ്റ്റ് ചെയ്ത പോലീസ് നടപടി ഭരണകൂട ഭീകരതയാണെന്ന് രമേശ് ...

തിരുവനന്തപുരം: വന നിയമ പ്രശ്‌നവുമായി ബന്ധപ്പെട്ട് പി വി അന്‍വറിനെ രാത്രി വീടു വളഞ്ഞ് അറസ്റ്റ് ചെയ്ത പോലീസ് നടപടി ഭരണകൂട ഭീകരതയാണെന്ന് രമേശ് ചെന്നിത്തല. പി വി അന്‍വര്‍ ഒരു എം എല്‍ എ ആണ്, അയാളുടെ വീട് വളഞ്ഞ് രാത്രിയില്‍ അറസ്റ്റ് ചെയ്യേണ്ട സാഹചര്യങ്ങള്‍ ഒന്നും നിലവിലില്ല. അദ്ദേഹം എങ്ങോട്ടും ഒളിച്ചു പോകാന്‍ പോകുന്നില്ല.

പൊതുമുതല്‍ നശിപ്പിച്ചു എന്ന കേസ് രാത്രി വീട് വളഞ്ഞ് അറസ്റ്റ് ചെയ്യാന്‍ തക്കവണ്ണമുള്ള ഒരു വലിയ പ്രശ്‌നമല്ല. ഇത് മുന്‍കാലങ്ങളില്‍ നടന്ന രാഷ്ട്രീയ പ്രശ്‌നങ്ങളുടെ തുടര്‍ച്ചയായി സര്‍ക്കാര്‍ ഭരണകൂട ഭീകരതയുടെ ഏറ്റവും വൃത്തികെട്ട മുഖം കാണിക്കുന്ന സംഭവമാണ്.

ഇത് കേരള പോലീസിന്റെ ചരിത്രത്തില്‍ ഒരു കളങ്കമായി കിടക്കും. ഈ വിഷയത്തില്‍ ശക്തമായി പ്രതിഷേധിക്കുന്നതായും ചെന്നിത്തല പറഞ്ഞു.

Key Words: PV Anwar,  Arrest, Ramesh Chennithala