തിരുവനന്തപുരം: വഞ്ചിയൂരില് റോഡില് സ്റ്റേജ് കെട്ടി സമ്മേളനം നടത്തിയ സംഭവത്തില് സിപിഎം സംസ്ഥാന സെക്രട്ടറി എം.വി.ഗോവിന്ദനടക്കം 16 പേരുടെ വിവ...
തിരുവനന്തപുരം: വഞ്ചിയൂരില് റോഡില് സ്റ്റേജ് കെട്ടി സമ്മേളനം നടത്തിയ സംഭവത്തില് സിപിഎം സംസ്ഥാന സെക്രട്ടറി എം.വി.ഗോവിന്ദനടക്കം 16 പേരുടെ വിവരങ്ങള് പൊലീസ് ഹൈക്കോടതിക്കു കൈമാറി. ഹൈക്കോടതി നിര്ദേശിച്ചാല് ഇവര്ക്കെതിരെ കേസെടുക്കും. സമ്മേളനത്തില് പങ്കെടുത്തവരെന്ന നിലയിലാണ് ഗോവിന്ദനടക്കമുള്ളവരുടെ വിവരങ്ങള് കൈമാറിയത്.
പാളയം ഏരിയ കമ്മിറ്റി സമ്മേളനത്തിന്റെ ഭാഗമായി റോഡ് തടസ്സപ്പെടുത്തി സ്റ്റേജ് കെട്ടിയ സംഭവത്തില് അഞ്ഞൂറോളം പേര്ക്കെതിരെയാണ് കേസെടുത്തത്. വിഡിയോ ദൃശ്യങ്ങള് പരിശോധിച്ച് പാളയം ഏരിയ സെക്രട്ടറിയടക്കമുള്ളവരെ പ്രതിപ്പട്ടികയിലുള്പ്പെടുത്തിയെങ്കിലും സംസ്ഥാന നേതാക്കളെ തുടക്കത്തില് ഒഴിവാക്കിയിരുന്നു.
എന്നാല്, വിഷയത്തില് ഹൈക്കോടതി കടുത്ത നിലപാടെടുത്ത സാഹചര്യത്തിലാണ് ഗോവിന്ദനടക്കമുള്ളവരെയും പ്രതിപ്പട്ടികയില് ചേര്ക്കാനുള്ള നീക്കം. സമ്മേളനത്തിനായി ഉപയോഗിച്ച മൈക്ക് സെറ്റും മറ്റും ഈ മാസം ആറിനു പൊലീസ് പിടിച്ചെടുത്തിരുന്നു.
COMMENTS