വ്യാഴം ഗ്രഹത്തിന്റെ ഈ വര്ഷത്തെ ഏറ്റവും നല്ല വ്യൂ ഈ ശനിയാഴ്ച ഭൂമിയെ കാത്തിരിക്കുന്നു. ശനിയാഴ്ച വൈകിട്ട് സൂര്യന് അസ്തമിക്കുമ്പോള് കിഴക്കന്...
വ്യാഴം ഗ്രഹത്തിന്റെ ഈ വര്ഷത്തെ ഏറ്റവും നല്ല വ്യൂ ഈ ശനിയാഴ്ച ഭൂമിയെ കാത്തിരിക്കുന്നു. ശനിയാഴ്ച വൈകിട്ട് സൂര്യന് അസ്തമിക്കുമ്പോള് കിഴക്കന് ചക്രവാളത്തില് നിന്നും വ്യാഴം ശോഭയേറിയ ഒരു നക്ഷത്രത്തെപ്പോലെ ഉദിച്ചുയരും. നിരീക്ഷകര്ക്ക് സമ്മാനിക്കുക മനോഹര ദൃശ്യമായിരിക്കും
പിറ്റേന്ന് രാവിലെ സൂര്യന് കിഴക്കുദിക്കുമ്പോള് വ്യാഴം പടിഞ്ഞാറ് അസ്തമിക്കുകയും ചെയ്യും. അതിനാല് ശനിയാഴ്ച രാത്രി മുഴുവന് സമയവും ആകാശത്ത് വ്യാഴത്തെ വ്യത്യസ്ത സ്ഥാനങ്ങളിലായി കാണാം.
ഭൂമിയുടെ ഒരു വശത്ത് സൂര്യനും മറുവശത്ത് വ്യാഴവും നേര്രേഖയില് വരുന്ന ഓപ്പോസിഷന് എന്ന പ്രതിഭാസമാണിത്. എല്ലാ ഗ്രഹങ്ങള്ക്കും ഓപ്പോസിഷനുകള് ഉണ്ടാകാറുണ്ട്. ഓപ്പോസിഷന് ദിവസങ്ങളില് ഗ്രഹങ്ങള് ഭൂമിയുടെ ഏറ്റവും അടുത്തു വരുന്നതിനാല് അവയെ കൂടുതല് തിളക്കത്തിലും വലുപ്പത്തിലും കാണാനാകും. ടെലിസ്കോപ്പിലൂടെ നോക്കി വ്യാഴത്തിന്റെ പ്രധാന ഉപഗ്രഹങ്ങളായ അയോ, യൂറോപ്പ, ഗാനിമേഡ്, കലിസ്റ്റോ എന്നിവയെ നിരീക്ഷിക്കാനുള്ള ഏറ്റവും അനുയോജ്യ സമയമാണ് ഓപ്പോസിഷന് കാലം.
COMMENTS