കണ്ണൂര്: കണ്ണൂരില് വീണ്ടും എം പോക്സ് സ്ഥിരീകരിച്ച സാഹചര്യത്തില് ജാഗ്രത പുലര്ത്താന് ആരോഗ്യ വകുപ്പിന്റെ നിര്ദേശം. രോഗം സ്ഥിരീകരിച്ച തല...
കണ്ണൂര്: കണ്ണൂരില് വീണ്ടും എം പോക്സ് സ്ഥിരീകരിച്ച സാഹചര്യത്തില് ജാഗ്രത പുലര്ത്താന് ആരോഗ്യ വകുപ്പിന്റെ നിര്ദേശം. രോഗം സ്ഥിരീകരിച്ച തലശേരി സ്വദേശിയുടെ റൂട്ട് മാപ്പ് പുറത്തുവിട്ടു. കഴിഞ്ഞ ദിവസമാണ് യുഎഇയില് നിന്നെത്തിയ തലശേരി സ്വദേശിയ്ക്ക് രോഗം സ്ഥിരീകരിച്ചത്. ഇയാളുടെ ആരോഗ്യനില തൃപ്തികരമാണ്.
ഇതോടെ രോഗം ബാധിച്ച് പരിയാരത്തെ കണ്ണൂര് ഗവ. മെഡിക്കല് കോളേജില് ചികിത്സയിലുള്ളവരുടെ എണ്ണം രണ്ടായി. എംപോക്സ് രോഗികളുമായി സമ്പര്ക്കത്തില് വന്നവര്ക്ക് രോഗ ലക്ഷണങ്ങളുണ്ടെങ്കില് ആരോഗ്യ വകുപ്പിനെ വിവരം അറിയിക്കണമെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു.
അബുദാബിയില്നിന്നെത്തിയ വയനാട് സ്വദേശിക്ക് തിങ്കളാഴ്ച എം പോക്സ് സ്ഥീരീകരിച്ചിരുന്നു. മന്ത്രി വീണാ ജോര്ജിന്റെ നേതൃത്വത്തില് സ്റ്റേറ്റ് ലെവല് റാപ്പിഡ് റെസ്പോണ്സ് ടീം (ആര്.ആര്.ടി.) യോഗം ചേര്ന്ന് സ്ഥിതിഗതി വിലയിരുത്തി. പ്രതിരോധ പ്രവര്ത്തനങ്ങള് ശക്തമാക്കിയിട്ടുണ്ട്. മെഡിക്കല് കോളേജില് കൂടുതല് ഐസൊലേഷന് സംവിധാനം ക്രമീകരിക്കാന് മന്ത്രി നിര്ദേശം നല്കി. എം പോക്സ് രോഗികളുമായി സമ്പര്ക്കത്തില് വന്നവര്ക്ക് രോഗ ലക്ഷണങ്ങളുണ്ടെങ്കില് ആരോഗ്യവകുപ്പിനെ വിവരമറിയിക്കണമെന്നും മന്ത്രി നിര്ദേശിച്ചു.
Key words: M Pox, Kannur, Alert
COMMENTS