മെല്ബണ്: മെല്ബണില് നടക്കുന്ന ബോക്സിംഗ് ഡേ ടെസ്റ്റിന്റെ ഒന്നാം ദിനത്തില് ഇന്ത്യന് മുന് ക്യാപ്റ്റന് വിരാട് കോഹ്ലി ഓസ്ട്രേലിയന് അരങ്ങേ...
മെല്ബണ്: മെല്ബണില് നടക്കുന്ന ബോക്സിംഗ് ഡേ ടെസ്റ്റിന്റെ ഒന്നാം ദിനത്തില് ഇന്ത്യന് മുന് ക്യാപ്റ്റന് വിരാട് കോഹ്ലി ഓസ്ട്രേലിയന് അരങ്ങേറ്റക്കാരന് സാം കോണ്സ്റ്റാസിന്റെ തോളില് ഇടിച്ചത് മനപ്പൂര്വ്വമെന്ന് കണ്ടെത്തല്. ഇതോടെ പെരുമാറ്റച്ചട്ട ലംഘനം കണ്ടെത്ത് ഐസിസി നടപടി എടുത്തു.
അനാവശ്യമായി എതിര്താരവുമായി ഫിസിക്കല് കോണ്ടാക്ട് ഉണ്ടാക്കിയതിന് മാച്ച് ഫീയുടെ 20 ശതമാനമാണ് പിഴ ചുമത്തിയിരിക്കുന്നത്. നേരത്തെ അനാവശ്യ ഇടപെടല് നടത്തിയ കോഹ്ലിക്കെതിരെ നടപടിയെടുക്കണമെന്ന് ആവശ്യപ്പെട്ട് മുന് ഓസീസ് ഇതിഹാസമായ റിക്കി പോണ്ടിങ് അടക്കമുള്ളവര് രംഗത്തെത്തിയിരുന്നു.
കളിക്കിടെ നടന്നുപോകുമ്പോള് വിരാട് കോഹ്ലി തോളില് ഇടിച്ചതോടെ സാം പ്രതികരിക്കുകയായിരുന്നു. തുടര്ന്ന് ഇരുവരും തമ്മില് വാക്കേറ്റമുണ്ടായി. ചുമലില് ഇടിച്ചത് ഇഷ്ടപ്പെടാത്ത സാം, കോഹ്ലിയോട് പ്രതികരിച്ചു. ഇതിന് മറുപടിയായി കോഹ്ലിയും ക്ഷുഭിതനാകുന്നത് വീഡിയോയില് കാണാം. അമ്പയര് ഇടപെട്ട് ഇരുവരെയും ശാന്തരാക്കുകയായിരുന്നു.
മെല്ബണില് ഓസ്ട്രേലിയ ടോസ് നേടി ബാറ്റിംഗ് തിരഞ്ഞെടുത്തതിന് ശേഷം ഇന്ത്യന് ഫാസ്റ്റ് ബൗളര്മാരെ മികച്ച ബാറ്റിംഗ് പുറത്തെടുത്താണ് പത്തൊമ്പതുകാരനായ മായാണ് യുവതാരം സാം കോണ്സ്റ്റാസ് നേരിട്ടത്. ഇതിനു പിന്നാലെ കോഹ്ലി ബോധപൂര്വം താരത്തിനെ ഇടിക്കുന്നതായാണ് വീഡിയോയില് നിന്നും വ്യക്തമാകുന്നത്.
COMMENTS