പാപ്പാനെ അടക്കം രണ്ടു പേരെ ആന ചവിട്ടിക്കൊന്നു

തിരിച്ചെന്തൂര്‍: കേരള - തമിഴ്‌നാട് അതിര്‍ത്തിയിലെ ക്ഷേത്രത്തില്‍ വെച്ച് ആന രണ്ട് പേരെ ചവിട്ടിക്കൊന്നു. തിരിച്ചെന്തൂര്‍ സ്വദേശിയായ ആനപ്പാപ്പാ...

തിരിച്ചെന്തൂര്‍: കേരള - തമിഴ്‌നാട് അതിര്‍ത്തിയിലെ ക്ഷേത്രത്തില്‍ വെച്ച് ആന രണ്ട് പേരെ ചവിട്ടിക്കൊന്നു. തിരിച്ചെന്തൂര്‍ സ്വദേശിയായ ആനപ്പാപ്പാന്‍ ഉദയകുമാര്‍(45), പാറശ്ശാല സ്വദേശിയായ ബന്ധു ശിശുപാലന്‍ (55) എന്നിവരെയാണ് ആന ചവിട്ടിക്കൊന്നത്. തിരിച്ചെന്തൂര്‍ സുബ്രഹ്മണ്യ സ്വാമി ക്ഷേത്രത്തില്‍ വൈകീട്ട് ആയിരുന്നു സംഭവം.

ദേവനായി എന്ന ആനയാണ് ഇരുവരെയും ആക്രമിച്ച് കൊലപ്പെടുത്തിയത്. പാറശ്ശാലയ്ക്ക് സമീപം പളുകല്‍ സ്വദേശിയായ ശിശുപാലന്‍ ദിവസങ്ങള്‍ക്ക് മുമ്പാണ് ബന്ധുവിന്റെ വീടായ തിരിച്ചെന്തൂരിലെത്തിയത്. 

തിങ്കളാഴ്ച വൈകീട്ട് ആനയ്ക്ക് സമീപം നില്‍ക്കുകയായിരുന്ന ശിശുപാലനെ ആന ചവിട്ടി കൊലപ്പെടുത്തുകയായിരുന്നു. ഇതുകണ്ട് ഓടിയെത്തിയ പാപ്പാന്‍ ഉദയകുമാര്‍ ആനയെ പിന്തിരിപ്പിക്കാന്‍ ശ്രമിച്ചെങ്കിലും ആന അദ്ദേഹത്തേയും ചവിട്ടി വീഴ്ത്തി കൊലപ്പെടുത്തുകയായിരുന്നു.

Key Words: Elephant, Killed