Journalist Anu Cinu passes away
കൊല്ലം: മാധ്യമപ്രവര്ത്തകനും കവിയും എഴുത്തുകാരനുമായ അനു സിനു (49) അന്തരിച്ചു. കൊല്ലം പാരിപ്പള്ളിയിലെ വീട്ടില് ചൊവ്വാഴ്ച വൈകിട്ട് 4.30 ഓടെയായിരുന്നു അന്ത്യം. അര്ബുദ രോഗത്തെ തുടര്ന്ന് ചികിത്സയിലായിരുന്നു. സംസ്കാരം ബുധനാഴ്ച ഉച്ചയ്ക്ക് വീട്ടുവളപ്പില് നടക്കും.
ദുബൈയില് ഖലീജ് ടൈംസില് മാധ്യമപ്രവര്ത്തകനായിരുന്നു. ദ ന്യൂ ഇന്ത്യന് എക്സ് പ്രസ്, മംഗളം, ഫ്രീപ്രസ് ജേര്ണല്, സണ്ഡേ ഇന്ത്യന് എന്നീ സ്ഥാപനങ്ങളില് പ്രവര്ത്തിച്ചിട്ടുണ്ട്. ഷാങ്ഹായ് പാഠപുസ്തകം, എന്റെ തിബത്ത് തുടങ്ങിയ പുസ്തകങ്ങളുടെ വിവര്ത്തനത്തില് പങ്കാളിയായിരുന്നു. ദുബായില് പരസ്യമെഴുത്തുകാരനായും ജോലിചെയ്തു.
കവിതാ സമാഹാരം, നോവല്, അനുഭവക്കുറിപ്പ് തുടങ്ങിയവ പ്രസിദ്ധീകരിച്ചിട്ടുണ്ട്. യാത്രാ പുസ്തകത്തില് ചില അപരിചിതര് (ഓര്മകള്), ആത്മഹത്യയ്ക്ക് ചില വിശദീകരണക്കുറിപ്പുകള് (നോവല്) എന്നിവയാണ് പ്രധാന കൃതികള്. ഇതില് 'ആത്മഹത്യക്ക് ചില വിശദീകരണ കുറിപ്പുകള്' എന്ന നോവലിനു കൈരളി അറ്റ്ലസ് അവാര്ഡ് ലഭിച്ചിട്ടുണ്ട്.
Keywords: Anu Cinu, Journalist, Cancer, Award
COMMENTS