തിരുവനന്തപുരം: പി.എസ്.സി അംഗത്വം കിട്ടാന് ലക്ഷങ്ങള് കൈക്കൂലി നല്കിയെന്ന ആരോപണം പ്രതിപക്ഷ നേതാവ് വി.ഡി സതീശന് നിയമസഭയില് സബ്മിഷനായി ഉന്ന...
തിരുവനന്തപുരം: പി.എസ്.സി അംഗത്വം കിട്ടാന് ലക്ഷങ്ങള് കൈക്കൂലി നല്കിയെന്ന ആരോപണം പ്രതിപക്ഷ നേതാവ് വി.ഡി സതീശന് നിയമസഭയില് സബ്മിഷനായി ഉന്നയിച്ചു. ഗൗരവമേറിയ ആരോപണമാണിതെന്നും മന്ത്രി റിയാസിന്റെ പേര് പറഞ്ഞാണ് യുവ നേതാവ് പണം കൈപ്പറ്റിയതെന്നാണ് പുറത്തു വരുന്ന വിവരമെന്നും അദ്ദേഹം ആരോപിച്ചു.
എന്നാല് വിഷയത്തില് അന്വേഷണത്തിന് സര്ക്കാര് തയ്യാറാണെന്ന് മുഖ്യമന്ത്രി പിണറായി വിജയന് വ്യക്തമാക്കി. അക്കാര്യത്തില് ആശങ്ക വേണ്ടെന്നും, തട്ടിപ്പ് നടത്തുന്നവര്ക്ക് എതിരെ കടുത്ത നടപടി ഉണ്ടാകുമെന്നും പി.എസ്.സിയെ ഇതിന്റെ പേരില് കരി വാരി തേക്കരുതെന്നും അദ്ദേഹം പറഞ്ഞു. എന്നാല് കോഴ ആരോപണം ഇപ്പോള് സെറ്റില് ചെയ്യാന് ശ്രമിക്കുന്നുവെന്ന് ആരോപിച്ച് പ്രതിപക്ഷം നിയമസഭയില് നിന്ന് ഇറങ്ങിപ്പോയി.
അതേസമയം, പി.എസ്.സി മെമ്പറാകാന് പാര്ട്ടി നേതാവ് കോഴവാങ്ങിയെന്ന ആരോപണത്തെ സംബന്ധിച്ച് തങ്ങള്ക്ക് ഒരറിവും ഇല്ലെന്ന് സിപിഎം കോഴിക്കോട് ജില്ലാ സെക്രട്ടറി പി.മോഹനന്. മാധ്യമങ്ങള് കോലാഹലങ്ങള് ഉണ്ടാക്കുന്നതുപോലുള്ള അറിവ് ഞങ്ങള്ക്കില്ല. പാര്ട്ടി ജില്ലാ കമ്മിറ്റിക്ക് ഇതുസംബന്ധിച്ച് ഒരറിവും ഇല്ല. എന്തെങ്കിലും കോലാഹലം ഉണ്ടാക്കി മന്ത്രി മുഹമ്മദ് റിയാസിനെയും പാര്ട്ടിയേയും സര്ക്കാരിനെയും കരിവാരിത്തേക്കാമെന്ന് വിചാരിക്കുന്നവരുണ്ടാകും. അതിനെ ശക്തമായി പ്രതിരോധിക്കുമെന്നും പി.മോഹനന് പ്രതികരിച്ചു.
Key Words: Bribe, PSC Membership, Pinarayi Vijayan
COMMENTS